"الاختيار 3" الحلقة 8.. تهديدات مرسي بـ"الصوت والصورة".. والشاطر: السيسي جاب فينا جون

كتبت- منال الجيوشي:

عرضت قناة (أون)) منذ قليل، الحلقة الثامنة من مسلسل "الاختيار 3".

وهنا نعرض لكم أبرز ما جاء في حلقة الليلة:

تبدأ الحلقة بوزير الدفاع الفريق عبدالفتاح السيسي (ياسر جلال)، الذي يعرب عن استيائه من الوضع السياسي بعد أحداث الاتحادية والإعلان الدستوري.

يقول الفريق السيسي: الوضع خطير وكارثي، الأمر محتاج حلول ولو القوى السياسية وافقت على الحوار هتبقى فرصة للم الشمل، وتقليل حالة الاحتقان والشحن اللي في الشارع.

بعدها يظهر سعد الكتاتني (بيومي فؤاد) بصحبة الرئيس محمد مرسي (صبري فواز) ويخبره أن الأحزاب السياسية رفضت "الحوار الوطني" الذي دعا له مرسي ما عدا الأحزاب الإسلامية.

يذهب الفريق السيسي لمقابلة "مرسي" في مكتبه، ويقول: "سيادة الرئيس الموقف صعب وحالة الانشقاق بين القيادة والاحزاب موصلة البلد لحالة غليان، الوضع قابل للإنفجار في أي لحظة، ولازم نلاقي حل، القوات المسلحة بصفتها جهة حيادية تجمع الفرقة ونعمل حوار يمكن يوصلنا لحل للحالة اللي احنا فيها"، فيرد مرسي قائلا: ممكن.. نجرب.

يتصل مدير مكتب "مرسي" أحمد عبدالعاطي بالقيادي الإخواني خيرت الشاطر (خالد الصاوي) ويخبره بالمقابلة.

في جهاز المخابرات العامة المصرية يتوصل المقدم سيف (أحمد عز) لعلاقة تجمع صفوت حجازي بشحنة المتفجرات المقرر أن تصل من ميناء الإسكندرية وتتجه لسيناء.

قال "سيف" إن الغريب في الأمر أن حجم هذه الشحنة كبير للغاية، حتى أنها أكبر من جماعة الإخوان نفسها، كما أن "حجازي" توجه للفندق للقاء الوسيط للشحنة بسيارة من سيارات رئاسة الجمهورية.

يحتج "خيرت" على اقتراح السيسي، فيقول مرسي: إحنا هنقول عن الدعوة دي هتكون بالتشاور معايا وموافقتي

يقول خيرت: أنا مش مرتاح، وبعد كده ياريت سيادتك متتصرفش غير لما ترجعلنا، إنت الرئيس على عينا وراسنا، بس يعني "أمرهم شورى بينهم".

يذهب المقدم زكريا يونس (كريم عبدالعزيز) مع "مازن" ابن خالة زوجته، للتعرف على أهل فتاة يود الزواج منها، وكان "مازن" متخوفا لأنهم ينتمون لجماعة الإخوان المسلمين.

يرصد جهاز المخابرات العامة تحركات "الغراب" -الاسم الحركي- للمسؤول عن شحنة المتفجرات.

يدخل "سيف" غرفة "الغراب" بالفندق ويزرع أجهزة تصنت بالغرفة.

يوجه لفريق السيسي الدعوة لكل الشركاء من رئيس الجمهورية ومجلس الوزراء وكل المختلفين للتحاور

بعد موافقة القوى على حوار السيسي، يقول خيرت: كل الأحزاب والقوى يقبلوا دعوة السيسي، ولما إحنا ندعيهم محدش يقبل، كده السيسي جاب فينا جون.

وقال السيسي: احنا حاولنا وهنفضل نحاول ومش هنيأس مش هينفع نسيب البلد تدخل في طريق اخرته خراب، كان نفسي يقدموا مصلحة البلد على مصلحتهم ولو لمرة.

في مشهد يعود لـ 20 يونيو أي قبل أيام من إعلان نتيجة الانتخابات الرئاسية لعام 2012، يذهب مرسي لمقابلة المشير طنطاوي (أحمد بدير).

يقول طنطاوي لمرسي: اللواء عبدالفتاح السيسي دراعي اليمين، ده مش ابني ده حتة مني، ومش يؤتمن على الجيش ده يؤتمن على البلد كلها، وقربه من الله وإخلاصه، أنا من زمان حاطط عيني عليه من وقت ما كان مقدم، ليرد السيسي: وقت ماكنت مقدم سيادتك كنت مشير برضه يافندم، وقال مرسي: احنا بنعتبره من الأسس مع حضرتك.

وفي الحلقة يعرض فيديو للقاء الذي جمع مرسي مع المشير محمد حسين طنطاوي، واللواء عبدالفتاح السيسي.

ويظهر في الفيديو وهو يلمح باستخدام القوة، قائلا: النتيجة متتغيرش، لأن لو ده حصل ليس لها من دون الله كاشفة، الموجة الموجودة موجة إضرام نيران، لمن لا يقدر المسؤولية

طنطاوي: عايزك تاخد بالك لو حصل، وجهة ما حاولت تضرم النار في البلد هتبقى مصيبة على البلد وعلينا، مفيش داعي للحاجت دي

مرسي: التصرف اللي موجود شعور تلقائي شعبي وليس له تخطيط، ليرد طنطاوي: لا فيه تخطيط معلش، ومين قالك إن النتيجة هتتغير.

ليعود مرسي في حديثه: النتيجة لو اتغيرت سيؤدي هذا إلى حالة من الاضطراب لا نعرف إلى أي مدى ستذهب، وسيؤدي إلى اضطرابات لا أنا ولا انتوا هتقدروا تمنعوها.

بعد لقاء مرسي، يجلس المشير طنطاوي مع اللواء السيسي، الذي يقول: حجم التحديات والمشاكل جوه البلد أكبر بكتير من قدرات جماعة أو رئيس أو حكومة

طنطاوي: أنا بقالي سنة ونص متحمل مسؤلية البلد، ماسك جمرة نار، ومينفعش أرميها عشا متحرقش حد، التاريخ هيكتب يقول إيه، إني سلمت البلد للإخوان، عارف الناس دي لو مسكت البلد هتعمل فيها إيه.

ليرد السيسي: يافندم أنا هرد عليك بقول ربنا سبحانه وتعالى: "ولا يجرمنكم شنآن قوم على ألا تعدلوا، اعدلوا هو أقرب للتقوى" صدق الله العظيم

مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، وعدد من ضيوف الشرف، ومن تأليف هاني سرحان، وإخراج بيتر ميمي.