بعد اعتزالها الغناء.. زيزي عادل توجه رسالة لوالدها: "دلوقتي بتتباهى بيا"

كتبت- بهيرة فودة:

وجهت الفنانة المعتزلة زيزي عادل رسالة لوالدها الراحل بعد إعلانها اعتزال الغناء مؤخرًا.

ونشرت زيزي عادل صورة لها مع والدها، عبر حسابها الرسمي بموقع "إنستجرام"، وعلقت: "كان نفسي تكون موجود يا حبيبي وتفرحلي وتدعيلي زي كل الناس مادعيتلي وأشوفك وإنت مبسوط وبتتباهى بيا قدام الناس وأنا سألت وعرفت إنك دلوقتي بتتباهي بيا بين الأموات، وطول ماأنا ربنا راضي عني وببعد عن أي فعل يغضبه فأنا بخير وإنت كمان بخير يا حبيبي، عارفه إني شلت من عليك حمل كبير".

وأضافت: "10 سنين من غير ما أشوفك يا بابا وحشتني.. وحشني أسمع صوتك واتكلم معاك، ربنا يرحمك ويغفرلك ويعفو عنك يا حبيبي يا بابا إلى أن نلتقي في الجنة بإذن الله، أرجو الدعاء لأبي في هذة الأيام المباركة فضلا وليس امراً".

كانت زيزي عادل أعلنت اعتزال الغناء، ونشرت مقطع فيديو عبر حسابها بموقع "إنستجرام"، قالت فيه: "أنا طالعة أقول خبر مهم جدا أخدته في حياتي، ويمكن يكون أهم خبر خدته في حياتي، هو قرار الاعتزال، قررت أسيب المهنة اللي أنا بشتغلها".

View this post on Instagram

A post shared by Zeezee Adel زيزي عادل (@zeezee_adel)