الاختيار 3 حلقة 14.. السيسي: القرارات تُملى على مرسي.. والجيش بتاع البلد مش الإخوان

كتب- عبد الفتاح العجمي:

شهدت الحلقة 14 من مسلسل "الاحتيار 3"، استجابة آلاف المواطنين لدعوات العصيان المدني اعتراضا على قرارات الرئيس المعزول محمد مرسي.

وخلال "الاختيار 3 حلقة 14"؛ علّق الفريق عبد الفتاح السيسي، على حالة العصيان المدني، قائلا: "الوضع الحالي مربك جدا على كافة الاتجاهات، محدش عارف مين اللي بيحكم البلد، الرئيس مرسي، ولا المرشد ومكتب الإرشاد، ولا خيرت الشاطر".

أضاف: "الواضح والمؤكد أن القرار مش قرار الرئيس، القرارات بتُملى عليه، جماعة الإخوان كشفت نفسها، وأظهرت نواياها وأهدافها، ودخلت في مواجهة عنيفة مع كل القوى الوطنية".

تابع: "أنا قولت للسيد الرئيس أكتر من مرة، إن الجيش بتاع البلد، مش بتاع الإخوان أو غير الإخوان، وإن دي عقيدة القوات المسلحة كلها، الجيش لازم يحمي الشعب، دي مسألة حتمية مفيهاش جدال، لكن برضو القوات المسلحة لازم تتحل بالصبر والحكمة".

اختتم: "الوضع الحالي في منتهى الخطورة، وتدخل الجيش مش هو الحل، ولازم القيادة السياسية تشوف الصورة كاملة، دي مسئولية وطن بحاله، لازم يبقوا قد المسئولية دي، السيد الرئيس لازم يعرف أنه رئيس لكل المصريين، مش رئيس لفصيل واحد".

مسلسل "الاختيار 3" بطولة: كريم عبدالعزيز، أحمد عز، ياسر جلال، أحمد السقا، صبري فواز، خالد الصاوي، عبدالعزيز مخيون، هيدي كرم، وإيمان العاصي وغيرهم، ومن تأليف هاني سرحان، وإخراج بيتر ميمي.