بالفيديو- سبايدر لـ ''فاهيتا'': هاسجنك.. وهي ترد: يا ''سوسو''

12:34 ص الخميس 02 يناير 2014

تطبيق مصراوي

لرؤيــــه أصدق للأحــــداث

كتب- محمد الحكيم:

أقام الإعلامي خيري رمضان مناظرة بين أحمد سبايدر، وشخصية العرائس المتحركة ''أبلة فاهيتا'' على الهواء مباشرة، الأربعاء، للحديث حول البلاغ الذي قدمه سبايدر ضد شركة ''فودافون'' بأن إعلان ''شريحة المرحوم''، والذي تم عرضه على الإنترنت في موقع يوتيوب وقدمته الشخصية الكرتونية أبلة فاهيتا يحتوي على شفرات تحث على التفجيرات والتعاون مع جماعة الإخوان المسلمين.

وقال سبايدر خلال مداخلة هاتفية لبرنامج ''ممكن'' المذاع على فضائية ''سي بي سي''، الأربعاء، ''أنا لستُ خبير شؤون الماسونية، ولم يحدث هذا ..هم للأسف ينتهجوا نفس المنهج الذي ينتهجوه منذ 2011 وهو الكذب وقدمته بصفتي مواطن طبيعي، وتم تحويله لنيابة أمن الدولة العليا''.

وشرح سبايدر ما وصفها بـ ''شفرات فاهيتا'' في الإعلان قائلاً: ''كلمة (ماما) هي (مصر) وبنت هي (اسرائيل)، وكركورة هي (عملاء العالم ضد مصر) وترمز بـ البالطو البيج هو (الجيش)، وفتئت بطانته هو (إنهاك كل قوى الجيش)، وعضضتِ ياءته تعني (قيادة الجيش)، وبعت البواب لسكيورتي المول اللي جنبنا فيه كلب وحارس وهاياخد نسبة ..الحارس مش الكلب هايجي يشمشملي تعني (تفجير مركز تجاري)''.

وتابع: ''اسمعوا لـ أحمد سبايدر المجنون والمتخلف، فاهيتا تتبع لأكبر منظمة تجسس وتخابر تابعة للمخابرات البيرطانية ومتأكد من كل كلمة أقولها مليون في المية''، مضيفاً: ''بحمل باسم يوسف، و6 أبريل، والأولتراس، مسؤولية حياتي الأيام القادمة، فشخصية فاهيتا دخلت على المجتمع المصري من 2012 والمخرج عمرو سلامة عملها فيلم بطولة مطلقة ليها وبعد كده باسم يوسف عملها حلقة كاملة في برنامجه، واشتهرت فجأة وهي عروسة متحركة تتمتم بكلمات غير مفهومة ومشفرة''.

واستطرد: ''الغريب أن فاهيتا تقول كلام ليس له أي علاقة ببعضه البعض ولها (مفتاح) وهو عبارة عن التغريدات وتقرأ جملة منظمة عادية ولها رسالة معينة عادية'' مضيفاً: ''فاهيتا لها مليون متابع وتويتر 88 ألف متابع، حاجة رهيبة لأنها مش شخصية حقيقية وإعلان فودافون تم عرضه من 5 أيام''، مضيفاً: ''أنا بتكلم مع شخصية اعتبارية وغلطت وقلة أدبها وأخدت الكلام هاسجنها هاسجنها وإلا هاسيب مصر فقد تم أخذ تحقيقي مع الأمن الوطني في 30 صفحة''.

من ناحيتها ردت أبلة فاهيتة على سبايدر خلال مداخلة هاتفية لنفس البرنامج قائلة:''يا سوسو''، مضيفة ''بنسوار مسيو خيري، اللي تعرفوا احسن من اللي ما تعرفوش لما يطلع حاجة متعرفهاش الشخص الذكي يحاول يفهم اللي ميعرفوش ويتعلم ويشوف الدنيا ده الشخص المختلف لكن الشخص المتخلف يقول ده شيطان، وبعبع وميحولش يفهمه فيخاف من اللي ميعرفوش ويقولك محله سرّ بس''.

وتابعت: ''بدأت شخصيتي 2010 الجميع يضحكون مع الأفكار، أنا بكتب خواطري على تويتر وعلى الفيسبوك والناس بتفهمني وفي ناس مش بتفهمني اللي ميفهمنيشي ما يلزمنيشي لأن الويبة أشكال وألوان وأنت ليك تختار تحب ايه وتسمعه لكن تفرض على الناس انها تبقى بطريقة واحدة ولو اختلفت تتهمها ده اسمه تخلف في التفكير''.

ووصفت سبايدر قائلة: ''شخص مخه بيفكر في وراء، هو تجديد اختيار شجرة الصبار، أحب أروح للي منعرفوشي عشان نجرب بالدنيا وأشوفه انه كلام غير المعتاد وإعلان غير المعتاد، هو إيه المعتاد؟ يعني لازم نعمل اعلانات زي بعضها والأفكار زي بعضها ولو حاولنا نعمل حاجة مختلفة نبقى شيطان أو بعمل شفرات''.

وأضافت ''يا سيدي مفيش شفرات دي لغة انا كلامي قليل واحب استخدم عقلي في الكلام، وبكتب كلمتين اللي يفهمهم يحبهم واللي ميفهمش يقول شفرة''، ''مروحش النيابة أنا أم وعندي والمتر موهير قالي متقلقيش لأن ده كلام فاضي ولا يوجد لدي أي تهمة معينة والبلاغ مقدم في الاعلام''.

واستطردت: ''الأرملة الحلوة مطعم وده شعبان تعبان والشجرة المثمرة بتحدف بالطوب، وأحمد جاسوس سبايدر والتانية والبرد طقمها اتجمد في الكوباية، مش مستنياها تفك دي ناس فاضية تطلع عقولكم مش عجباك تسيبه، حاسس ان بيه شك تبلغ، وأنا رايحة حفلة رأس الثانية، ومعروف إن الثروة القومية هي خفة الدم وكنا نصدر نجيب الريحاني، وعادل إمام وسمير غانم، والعرب احبونا من خفة دمنا وده الجيل الجديد من خفة الدم''.