"مكملة لجل عيون الراجل المصري".. ياسمين عز تكشف مفاجأة جديدة في برنامجها

كتب- يوسف عفيفي:

قالت الإعلامية ياسمين عز، إنها ستعلن عن مفاجآت خلال الموسم الجديد من برنامجها "كلام الناس"، مؤكدة أنها ستضيف فقرة للطبخ، بجانب الحديث عن رسالة برنامجها في الحفاظ على الأسرة المصرية.

وأضافت ياسمين، في برنامجها "كلام الناس" المُذاع على شاشة "MBC مصر": "أنا أشيلك يا مصري في عيوني مش بس على رموشي، وعندي مفاجأة في الموسم الجديد لأننا مكملين مع بعض ولأجل عيون ونخوة الراجل المصري أنا هعمل تسريحة ومطبخ في برنامجي عشان نتعلم نعمل أحلى الأكلات لـ رجالتنا الشقيانة ونتزين ليهم بأقل الإمكانيات".

وواصلت ياسمين: "أنا رسالتي وصلت وهي عمار البيوت والأسرة المصرية، واللي بقوله على الشاشة بعمله برا مفيش تمثيل، وأنا مش هتكلم غير عن الراجل والست لأنهم الحياة ولما تنزل كائنات فضائية هبقى أتكلم عليها، ولكن دا اللي عندنا، وأنا في حياتي عمري ما قولت لفظ تحريضي أو تسخيني لـ راجل على مراته بالعكس بقول للست دلعي جوزك".

وتابعت: "أنا كلامي دعوة للستر والزواج مش بطلق الناس بالعكس، ومش عارفة الناس معترضيتن ليه على كلامي، ولو إنت متغاظ أو حقود طلع صدقة وقول يارب نجحني".