فتاة فوتوسيشن سقارة: "دفعت 1500 للتصوير ومصدومة من رد فعل الناس"

كتب- محمد خميس:

قالت سلمى الشيمي، فتاة "فوتوسيشن سقارة"، أنها دخلت مجال الأزياء منذ أن كان عمرها 9 سنوات، وكان مثلها الأعلى الفنانة سعاد حسنى، وبعد أن أتمت مرحلة الثانوية، استكملت مشوار عملها فى هذا المجال، وعن جلسة التصوير، متابعة: "نزلت بعد ثانوية عامة عروض أزياء كثيرة مصرية وعربية وبعدها بدأت مشواري، وأنا مصدومة، قطعت تذكرة زي أي ممثلة أو زي أي حد".

وأضافت "الشيمي" في حوارها لبرنامج "يحدث في مصر" على فضائية "إم بي سي مصر" اليوم الأربعاء: "أنا دفعت فلوس تصريح، ودفعت لشخص مش مسؤول في المكان، وهو فهمني أن دا تصريح التصوير وأخد مني 1500 جنيه، وعداني من الكمين كمان"، موضحة: "مأخدتش ورق بالفلوس اللي دفعتها ومكنش عندي فكرة أني لازم أخد ورقة مختومة بالتصريح، وفي أماكن تانية بنصور فيها مبيكونش فيها ورق".

وتابعت: "أنا مكنتش بصور في مكان مغلق، وحواليا ناس كتير، ولو بعمل حاجة غلط مش هعملها قصاد الناس".