فتاة فوتوسيشن سقارة: "مش سعيدة بدخولي القسم حتى لو كان السبب في شهرتي"

كتب- محمد خميس:

قالت سلمى الشيمي، فتاة "فوتوسيشن سقارة"، إن الأمر انتهى في النيابة بالخروج بكفالة 500 جنيه والقضية ما زالت مفتوحة، مشيرة إلى أن القضية حاليًا هي التصوير بدون تصريح، مضيفة: "عارفة عقوبة القضية إيه لكني دفعت فلوس لشخص أعتقد أنه مسؤول أو أنه من حراس الهرم".

وأضافت "الشيمي" في حوارها لبرنامج "يحدث في مصر" على فضائية "إم بي سي مصر" اليوم الأربعاء: "شغلي إني من وقت للتاني بعمل فوتوسيشن ليا، ولما نزلت صور الفوتوسيشن ده فوجئت واتصدمت من رد الفعل الجميل من دول عربية وأجنبية"، موضحة: "تلقيت أسئلة كثيرة عن المكان اللي صورت فيه من أجل تصوير الإعلانات فيه".

وتابعت: "السيشن ده مكنش لصالح حد، دا كان ليا أنا زيي زي أي واحدة من فنانات مصر القدام اللي نزلوا اتصوروا في الهرم"، موضحة: "أنا زيي زي أي حد شوفت صور وحبيت أعملها بس بطريقتي، واتصدمت لما لاقيت نسب الشير بتزيد بسرعة".

وأوضحت فتاة الفوتوسيشن، أن التصوير وجلسات التصوير شغلي، وفي بعض الأوقات يكون لدي جلسة تصوير لملابس"، مؤكدة: "مش سعيدة باللي حصل معايا ولا دخول القسم حتى لو كان السبب في شهرتي، وأنا في مجال التصوير ليا اسمي".