بالفيديو.. داعية إسلامية: مناداه الأم والأب باسمها عقوق والدين.. وبر الخالة يغفر الذنب

كتب-محمد قادوس:

قالت الدكتورة نيفين مختار، الداعية الإسلامية، إن بر الخالة يغفر الذنب ويجعل التوبة مقبولة ويدخل الجنة، كما أبلغنا سيدنا النبي محمد صلى الله عليه وسلم، مستشهدة بالحديث النبوي الشريف، أتَى النَّبيَّ صلَّى اللهُ عليه وسلَّم رجلٌ فقال إنِّي أذنبتُ ذنبًا عظيمًا فهل لي من توبةٍ فقال هل لك أمٌّ قال لا قال فهل لك من خالةٍ قال نعم قال فبِرَّها.

وأوضحت خلال حلقة برنامج "البيت"، المذاع على فضائية "الناس"،شوف بقى برك بأمك ممكن يعمل إيه أما بر الخالة بيعمل كل ده، بيغفر الذنب ويقبل التوبة، يا بختك لو أمك راضية عليك وبتدعى لك وتقولك روح يا ابنى ربنا يصلح حالك ويحبب فيك خلقه دى باب الجنة وطريق الخير، ربنا هيحبك وتكون قريب من ربنا وأعمالك مقبولة وطريقك هيكون كله خير وموفق".

وفي فيديو أخر قالت فيه الداعية الإسلامية، إن الله سبحانه أبلغنا فى كتابه العزيز إنه قرن العبادة له بالإحسان للوالدين، وهو ما جاء فى قوله سبحانه وتعالى: " وَقَضَى رَبُّكَ أَلاَّ تَعْبُدُواْ إِلاَّ إِيَّاهُ وَبِالْوَالِدَيْنِ إِحْسَاناً إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلاَهُمَا فَلاَ تَقُل لَّهُمَآ أُفٍّ وَلاَ تَنْهَرْهُمَا وَقُل لَّهُمَا قَوْلاً كَرِيماً* وَاخْفِضْ لَهُمَا جَنَاحَ الذُّلِّ مِنَ الرَّحْمَةِ وَقُل رَّبِّ ارْحَمْهُمَا كَمَا رَبَّيَانِى صَغِيراً* رَّبُّكُمْ أَعْلَمُ بِمَا فِي نُفُوسِكُمْ إِن تَكُونُواْ صَالِحِينَ فَإِنَّهُ كَانَ لِلأوَّابِينَ غَفُوراً".

وأوضحت مختار: شوف ربنا عطف الإحسان للوالدين، بعبادته وحده، وربنا ذكر حالة الكبر بالذات لأنهم فى حالة الاحتياج لأبنائهم، وحذر من قول كلمة أف، أو قول الأم والأب بأسمه، وتقول ده أنا كبرت على إنى أقولك يا بابا أو يا ماما.. وتلاقى اللى يقول يوه يا بابا، واللى يقول ما تطلب طلباتك كلها مرة واحدة، أو بعدين لما أخلص اللى فى إيدى، كل دى عقوق والدين، ومنتشر جدا فى المجتمع، وكل ده بسبب سوء تربية وأصدقاء السوء، وتقليد تصرفاتهم من والديهم ".

وتابعت: "مهما كنت رفيعا ومسئولا لازم تخفض جناح الذل لأمك وأبوك، تقولها تحت أمرك تحت رجلك، شوف كانوا بيعملوا إيه معاك وأنت صغير، وصلنا للزمن الآباء بيخافوا يقولوا حاجة للأبناء لأحسن يزعلوا أو يزعقوا فيهم، أو يقاطعوهم بالشهور والسنين".