بسمة: "كنت رافضة الرضاعة الطبيعية ومكنتش حابة أمارس دور البقرة" (فيديو)

كتبت- بهيرة فودة:

أكدت الفنانة بسمة أنها كانت ترفض فكرة الرضاعة واتخذت قرارا بأنها لن ترضع طفلها بعد الإنجاب، لكن الأمر تغير بعد وصول ابنتها نادية.

وقالت بسمة، خلال لقائها في برنامج "الستات"، المعروض على شاشة النهار: "كنت بقول أنا مش هرضع، ومش همارس دور البقرة، لكن في النهاية رضعت نادية طبيعي سنتين ومش بمواعيد لأ كل ما هي تبقى عايزة ترضع".

وأضافت: "قبل الإنجاب كنت بقول برضه أنا ما فيش عيل ينام جنبي لأني بتقلب على السرير، جبت لها سرير لوحدها، بس بعد كدا من أول يوم بنام جنب بعض، وأنا أدين لأبوها لأنه هو اللي دربها على أنها تنام لوحدها، أنا لا مش بعرف".

وأكملت: "أول أيامي في الولادة كانوا بيجروا ورايا يقولولي رضعيها بس أنا ما كنتش مستوعبة".

واختتمت: "في كل تجربة الخلفة والأمومة مشاعري هي اللي ساقتني، أنا ما كنش عندي تفكير في الموضوع، أنا محوشة العقلانية إني هعلمها تحترم الناس إزي، إنها تحب الدنيا، ومش عايزاها تاخد مني الكسل".

يذكر أن آخر أعمال بسمة، حكاية "واللي ما يشتري يتفرج" من مسلسل "نصيبي وقسمتك"، إخراج عصام نصار، مع النجوم: إيهاب فهمي، محمد علي رزق، وهبة عبدالغني، وندى عادل، وصبري عبدالمنعم وغيرهم.