علا رامي تتحدث عن طلاقها من نادر أبو الليف: "اتجرحت شوية" (فيديو)

كتبت- بهيرة فودة:

تحدثت الفنانة علا رامي عن طلاقها لأول مرة من المطرب نادر أبو الليف.

وقالت علا، خلال لقائها في برنامج "كلام الناس": "أولا أنا ما بحبش حياتي الشخصية تكون على الملأ، ووقت انفصالنا كان هو في الطالع وأنا زي ما أنا الشهرة ماحدش هيقدر ياخدها مني خالص أنا علا رامي يعني علا رامي".

وأضافت: "هو بقى عنده سفريات وحفلات، وبقى عنده حاجات كتيرة جدا، وبقى مشغول أوي، لدرجة إني أنا ما بقتش موجودة في حياته، هي دي الحكاية".

وتابعت: "وفجأة قالي احنا خلاص مش نافع، تفهمت، كمل حياتك، شكرا، وأكيد أتجرحت شوية".

وردا على سؤال المذيعة: "صعب لما الست تتجوز راجل في وضع كويس وأول ما الدنيا تديله يقول لها "باي باي"، ردت علا: "أكيد بيحصل، وبتبقى صعبة، لأن المفروض طلعوا سوا، ويكملوا حياتهم".

وأكملت عن تصريحاتها: "حياتي أنا قافلة عليها ومش عايزة أتعرف على أي حد جديد، لا للزواج تاني خلاص".

وقالت: "احنا انفصلنا من 2012، وكان في عرسان بيجولي، بس أنا عايزة أكمل بقيت حياتي بدماغي، ومش عايزة حد يتحكم فيا، كل شيء قسمة ونصيب، والزواج الناجح لازم يبقوا الأتنين نفس البيئة، هما الأتنين يبقوا نفس الثقافة، هيتفاهموا، والجواز تفاهم".

واستطردت: "جوازي مع أبو الليف جه بسرعة وخلص بسرعة، كنت ساكنة وقتها في الحلمية الجديدة، وهو كان في عابدين وكنا بنركب مع بعض نفس الباص، ثم التقينا ولقينا نفسنا عايزين نتجوز، وهو بني آدم ربنا يخليله مراته وأولاده".

وعن سبب طلاقها أن زوجها السابق أبو الليف لم يجد أعمالًا وأن ظروفه المادية صعبة: "لا خالص، احنا لما أتجوزنا هو ما كنش لسه بدأ".

اقرأ أيضا:

"شهق ومات".. علا رامي تكشف تفاصيل اللحظات الأخيرة بحياة حسين الإمام

ماذا قالت علا رامي عن مشهد "القُبلة" مع عادل إمام في فيلم "حنفي الأبهة"؟

علا رامي: بيعت دهبي عشان أعيش.. ولا أخشى غدر الزمن

:"لا