أمير عيد منتقدًا مهاجمي محمد رمضان: "اكبروا وحاولوا تتعالجوا"

كتب- محمد مجدي:

دافع الفنان أمير عيد عضو فريق "كايروكي"، عن الفنان محمد رمضان بعد تعرضه لهجوم حاد من قِبل رواد مواقع التواصل الاجتماعي، وذلك عقب تصريحاته الصحفية التي انتقد فيها أفلام الكوميديان الراحل إسماعيل ياسين عن الجيش.

وكتب أمير عبر صفحته الشخصية بموقع "فيسبوك": "الناس مقموصة من الفنان محمد رمضان بسبب تصريحاته ضد أفلام إسماعيل ياسين.. أنا مش فاهم هو فيها إيه لو في حد عنده وجهة نظر ضد أفلام إسماعيل ياسين، وإيه المشكلة لو في حد مش بيحب أم كلثوم أو عبدالحليم، هما مش مقدسين ولا هما فرض علينا ومش من الثوابت في النهاية كل أنسان حر في رأيه مش لازم تفرضوا آرائكم على البشر".

وتابع: "كفاية جو الترهيب بتاع ده فلان خط أحمر وعلان خط أخضر وده الهضبة وده الكينج، إكبروا بقي كده وبطلوا عياط وحاولوا تتعالجوا من الانسيكيوريتيز اللي عندكم" .

وختم أمير كلامه قائلا: "ملحوظة أخيرة أنا بحب إسماعيل ياسين وأم كلثوم وعبدالحليم جداً وعمري ما شفت فيلم لمحمد رمضان".