سفرة اليوم.. قرنبيط باللحم المفرومة والحلو تمرية

إعداد - هاجر حاتم:

القرنبيط باللحمة المفرومة

المقادير

2 معلقة كبيرة دقيق

2 معلقة كبيرة سمن

2 كوب (240 مللى) لبن كامل الدسم

1معلقة صغيرة كمون

1معلقة صغيرة فلفل اسود مطحون

1بصلة مفرومة

1 معلقة صغيرة ملح (او حسب الرغبة) 

1 معلقة صغيرة جنزبيل

1 معلقة كبيرة قرفة

1 معلقة كبيرة سمن (لعمل البشاميل)

1 عدد قرنبيط (مسلوق ومقطع)

½ كوب (140 جرام) جبنة موزريلا

¼ كيلو لحمة مفرومة

طريقة العمل

شوحى البصل فى السمنة على النار، ثم ضيفى اللحمة المفرومة والملح والفلفل الأسود والقرفة الناعمة والزنجبيل البودرة .

ولعمل البشاميل قلبى الدقيق فى السمنة حتى تظهر رائحته ثم ضيفى اللبن وقلبى حتى يغلظ القوام ثم أضيفى الكمون الناعم .

ثم أفردى جزء من البشاميل فى البايركس وإفردى طبقات القرنبيط واللحمة المفرومة والبشاميل فى البايركس .

ضعى على الوجه الجبنة الموتزاريلا المبشورة ودخليها الفرن حتى تنضج ثم تقدم بألف هنا وشفا .