"التاريخ كتابته حاضرة".. عمرو أديب: "المشير طنطاوي كان لا يعرف القسمة على اثنين"

كتب- محمد خميس:

علق الإعلامي عمرو أديب: "إن المفاجئة المدوية التي تم إذاعتها في مسلسل الاختيار 3، وهي الاجتماع بين الرئيس عبدالفتاح السيسي والمشير طنطاوي والرئيس الأسبق محمد مرسي، قائلًا: "كلام المشير طنطاوي كان صريح بدون دبلوماسية، فهو لا يعرف القسمة على اثنين".

وقال "أديب" في خلال تقديمه لبرنامجه "الحكاية" على فضائية "إم بي سي مصر2" اليوم السبت: "حلقة الاختيار 3 النهاردة كشفتلنا إن كان في رئيس جمهورية بيهدد وزير دفاع إنهم هيولعوا في البلد، وكان عنده قناعة إن قرار محكمة ممكن يتغير يعني راجل في المكانة دي فاكر إنه ممكن يغير وإلا هيولعوا في البلد، ودي كانت عقلية اللي بيحكموا البلد".

وتابع: "موقف وزير الدفاع اللي شوفناه بيقول إن الجيش بتاعكم يا مصريين طول الوقت كان بيحميكم، جايز مكنش في أمارات لكده أو أن الكلام كان بيروح فين لكننا كنا عارفين إن الجيش عمره ما هيسيبنا وإنه مش جيش فرد أو جماعة أو حزب أو تنظيم أو رئيس".

وأوضح: "الجيش بيتكلم عن أجهزة مخابرات عامة وحربية وأمن وطني وكل الناس دي بتشتغل عشان الدولة ومش عشان تقييم فرد"، مؤكدًا: "اللي إحنا بنشوفه في مسلسل الاختيار 3 دا مهم ومهم جدًا إننا نتذكر اليوم المشير طنطاوي بكل خير وعرفان".

وأردف: "إحنا مش هنسيب حد يكتب لنا التاريخ، التاريخ كتابته حاضرة وفي علامات هامة لدا، والخلطة المعمولة في مسلسل الاختيار 3 بين الدراما والتسجيل، وشخصية الرئيس مرسي قبل ما يكون رئيس وبعد ما كسب الانتخابات وكان بيقابل مين وبالدليل عشان محدش يقولنا دول كانوا عظماء، وإنهم العدل وإن مرسي دا بينام بالليل عشان عادل وبتاع الشرعية والقانون، اللي قدامنا مهم وناس كتير هتفهمه بطريقة صح".