محدش يقدر يزايد.. البدري يعلق على موقف جماهير الأهلي منه (فيديو)

كتب - مينا غالي:

رد حسام البدري المدير الفني السابق لمنتخب مصر على حديث الدكتور طه إسماعيل المحلل الرياضي، بأنه غير محبوب من جماهير الأهلي، خلال برنامج العرافة على قناة المحور مع بسمة وهبة.

وقال البدري: "أكن للدكتور طه كل احترام كمدربي، لما سمعته كنت حزين جدا، طب ما أنا يا دكتور طه بمشي في الشوارع أو لما بقعد في حتة بشوف تقدير الناس لي عمل إزاي".

وأضاف:" كونك عايز تساند وجهة نظر معينة في وقت ما أو لك وجهة نظر يا دكتور طه، ماكنش ينفع يطلع منك الكلام ده.. أنا لما سبت الأهلي النادي وجه لي الشكر ووقتها ماكنتش مرتبط بمكان، وجالي عرض من بيراميدز، ممكن وجهة نظر من حب جماهير الأهلي لي إني ماروحش حتة منافسة وأنا بحترم وجهة النظر دي، لكن ممكن وقتها لم أتوقع الأمر بشكل سليم".

وتابع البدري:" الاحتراف يسمح لي أروح أي حتة، لكن المشكلة ممكن في الوقت نفسه، وارتباط الجمهور بي، جعل الناس مش عايزاني أروح مكان منافس.. كان ممكن أروح مكان تاني وأرجع على بيراميدز، لكن ما ينفعش يا دكتور تفصل بين حبي لجماهير الأهلي وعشقي لهم وارتباطي بهم لأني من أبناء الأهلي وده ما ينفعش".

وواصل: معنديش حسابات لكن محدش يقدر يزايد على حبي للأهلي.​