مصطفى حسني يحذر الآباء: 3 أخطاء فى التربية تدمر شخصية أبنائكم

كـتب- علي شبل:

حذر الداعية الإسلامي مصطفى حسني، الآباء والأمهات من بعض الأخطاء المتعلقة بتربية الأبناء والوقوع فيها بدون قصد، ما قد يتسبب فى تدمير شخصيتهم، ويجعلهم فاقدين لقيمتهم الذاتية.

وكشف حسني، خلال حلقة برنامج «رميم»، المذاع عبر فضائية «الناس» عن هذه الأخطاء في التربية، قائلًا:

1- الإهانة

ويشير حسني إلى أنه أول خطأ مؤذٍ هو الإهانة وهناك فرق بين الإهانة والإذلال والحزم.

2- الإهمال والرفض

يقول حسني: ثانى خطأ لو اجتمع مع الإذلال والإهانة، هو الرفض والإهمال، "يبقى الولد عاوز يقعد مع أبوه أو أمه يقوله ابعد عني أنا تعبان عاوز أنام، أو يوعده أنه يأتي له ولا يفعل، فيحس الابن كده إن الراعي، معندوش وقت له فيطلع صغير قدام نفسه، الإهمال بيكسر ذاتية الابن».

3- المقارنة

واستكمل حسني: «من أخطر الأخطاء هو المقارنة مع أطفال مثله، ويقول له شايف الولد ده كويس، وانت مش كويس انا عاوزك تبقى كويس، مع تراكم المقارنة يقول الابن لنفسه أنا مش كويس ليه عشان اللى بيحبنى شايفنى مش من قيمته، شوف لو لقيت نفسك بتتكلم عن نفسك بشكل سلبي أو بتطلب حقوقك بعنف، أو قابل الإهانة من اللى بتحبه، اعرف إن فى خطأ كبير فى تربيتك".