رمضان 2025.. ماذا قال تامر حبيب عن أشغال شقة جدا؟

كتبت- منى الموجي:

عبر السيناريست تامر حبيب عن سعادته بمسلسل أشغال شقة جدا المعروض ضمن مسلسلات رمضان 2025 على قناة MBC مصر.

ونشر تامر الملصق الدعائي للعمل، عبر حسابه الرسمي على موقع انستجرام، معلقا "أما أنتم، فأنا بجد مش عايز أفكر في اليوم اللي مش هاشوفكم فيه بعد الخمستاشر حلقة ما يخلصوا.. طيب و مين هيبهجني؟ مين هيخليني اكركع على روحي من الضحك ومن قلبي ؟ مين هيخليني احترم ذكائه وموهبته وعدم استسهاله واحترامه ليا كمشاهد؟".

وتابع "مين هيخليني استناه زي الطفل كل يوم وابقى مش عايزه يخلص ويسيبني أبداً ؟ مين اللي هيخليني احترمه أكثر وأحبه أكثر وأقدره أكثر لما ألاقيه ذكي وسوي وفاهم يعني إيه كوميديا راقية وإن لما كلنا يبقى عندنا مساحات نضحك مش البطل بس كل ما كلنا وعلى رأسنا البطل ما هننجح أكثر ونأثر أكثر ونتصدر أكثر؟ اليوم هيعدي عليا إزاي من غير طلة عربي أعظم clumsy في العالم ؟ إزاي اليوم هيبقى دمه خفيف وطعمه حلو من غيركم كلكم كلكم بدون أدني استثناء؟ يا رب يا رب بحق دي الأيام المفترجة تبقى أشغال شقة مؤبدة".

"أشغال شقة جدا" تأليف شيرين وخالد دياب، وإخراج خالد دياب، بطولة هشام ماجد، أسماء جلال، مصطفى غريب، سلوى محمد علي، شيرين، محمد عبدالعظيم، وبمشاركة مجموعة كبيرة من ضيوف الشرف.