تامر حسني يدعو إلى التسامح بمناسبة شهر رمضان.. وياسمين عبدالعزيز تعلق

كتبت - سهيلة أسامة:

وجه المطرب تامر حسني التهنئة لمتابعيه بمناسبة شهر رمضان، ودعا إلى التسامح والخير والرحمة.

نشر تامر صورة على حسابه الرسمي "إنستجرام" يوضح فيها معاني المسئولية والمساندة، وكتب: "على دخلة شهر رمضان المبارك أحب أبدأ أشارك معاكم بعض المعاني الجميلة اللي بتعلمها في حياتي دي صورة عظيمة جداً حركت جوايا معنى جميل".

وأضاف: "تفتكروا لو إللي شايل كل الناس دي على ظهره لو حد من اللي شايلهم غلط فيه أو ظلمه أو حد سخنه ،وخلاه يقول كلام مش فيه أو شتمه حتى شتيمة صريحة، لو إللي شايل الناس دي كلها قرر يقوم ويقف ويرد عليه، حيحصل إيه للناس دي كلها اللي مالهاش ذنب أكيد هيقعوا ويتعوروا وهما مالهمش ذنب وخصوصاً إن اللي شايل الناس دي كلها هو شايلهم لأنه بيحبهم كلهم فأكيد حيلتمس للي بيحبهم مليون عذر وخصوصاً إن اللي متشالين عشان هما فوق فا مش شايفين معاناة إللي شايل".

وتابع تامر حسني :" عشان كده ربنا بيدي الشخص المسئول عن ناس كتير أو موظفين أو عيلة قوة تحمل وصبر وحكمة ورحمة مش عند حد وعشان كده ربنا بيباركله في مشواره اللي ماشيه وهو شايل كل دول من غير ما يشتكي بل بالعكس مستمتع وهما على ظهره، وصف الرسول عليه الصلاة والسلام الرجل القوي الشديد باللي بيمسك نفسه عند الغضب مش اللي بيتخانق ويضرب ياللا نبدأ الشهر بالتسامح والرحمة ورمضان كريم على الجميع".

وعلقت الفنانة ياسمين عبدالعزيز:" ده حقيقي" ، كما علقت لقاء سويدان : "الله عليك"، وكتبت الفنانة درة:" عندك حق"

يذكر أن الفنان تامر حسني ينتظر طرح فيلمه السينمائي الجديد "ري ستارت" بالسينمات ويشاركه البطولة ، هنا الزاهد، محمد ثروت، باسم سمرة، والعديد من الفنانين ، تأليف أيمن بهجت قمر، إخراج سارة وفيق.

كما طرح مؤخرا أغنية دويتو تجمعه بالمطرب رامي صبري بعنوان " فعلاً ما بيتنسيش" كلمات عمرو تيام ، الحان شادي حسن، توزيع طارق توكل

اقرأ أيضا..
"أنا زي الفل ونزلت الشغل".. أول تعليق من عمرو مصطفى بعد إصابته بالسرطان