كهربا عن أزمته مع مجدي عبدالغني: "الأهلي خيره عليه ومصلحته أهم من مصلحة النادي"

كتب - مروان الطيب:

حل لاعب النادي الأهلي محمود عبد المنعم "كهربا" ضيف حلقة السبت من برنامج "أسرار" تقديم الإعلامية أميرة بدر ويعرض على قناة "النهار".

وتطرق "كهربا" في حديثه عن تفاصيل دفع الغرامة للنادي الزمالك، وعن العديد من الشخصيات العامة ورجال الأعمال الذين ساندوه في محنته وقاموا بمساعدته، وعن كواليس انضمامه لصفوف النادي الأهلي إلى جانب علاقته بنجوم الرياضة والفن والإعلام.

وعلق "كهربا" على سبب خلافه مع الكابتن مجدي عبد الغني: "أنا اللي في قلبي على لساني وأنا عايش على الله إن شاء الله، وأنا مضيت في نادي الزمالك وكنت مددت عقدي سنة، وجالي وقتها عقد احتراف في نادي اتحاد جدة السعودي في 2016 والعقود في 2016 كل سنة بتتغير في اتحاد الكرة، ومضيت العقد على بياض ثقة وحب في نادي الزمالك ومفيش لاعب بيمضي على بياض وهم استغلوا الموقف ده ووقتها طلعت إعارة وفي 2017 بعدها بسنة والمفروض أن العقد لو لم يوثق في خلال 30 يوم كأنه لم يكن وفي 2018 وثقوا العقد في اتحاد الكرة ومين كان المسؤول وقتها كابتن مجدي عبد الغني".

واستكمل: "كان وقتها مدير شؤون اللاعبين اللي العقد لازم يوصله ويتمم عليه ويشوفوا سليم ولا مش سليم وبعدين يوثقوا ولا لأ وبناءا على ايه وثقوا زي ما هو بيقول وقال إن الرسوم اتدفعت والرسوم دي بتدفع في البنك وراحوا البنك جابوا العقد بتاعي وكام عقد من اللاعبين الجدد ومدفعوش الرسوم كاملة وانا ماكنش حتى من اللاعيبة الجديدة اللي كانوا بيوثفوا عقودهم وقتها لأني عقدي المفروض تمديد وراحوا البنك خدوا إيصال لكابتن مجدي عبد الغني وقالوا له احنا سددنا الرسوم وثق العقود طب انت ما بصتش على العقد ليه وسليم ولا لأ وأتمضى امتي مش حضرتك مسؤول والظلم كان في كده وبعدها الاتحاد الدولي لكرة القدم بعتوله قالوا هو عقد كهربا سليم ولا مش سليم والعقد كان محطوط فيه يمد 4 سنين مش سنة واحدة".