انتصار تكشف عن جملة عبقرية غيرت حياتها في برنامج "ع المسرح"

كتب- مروان الطيب:

حلت الفنانة انتصار ضيفة في برنامج "ع المسرح" تقديم منى عبد الوهاب ويعرض على قناة "الحياة".

وتحدثت "انتصار" عن العديد من الموضوعات منها علاقتها بالوسط الفني، وعن أعمالها الفنية خلال الفترة المقبلة، إلى جانب العديد من الأسرار والكواليس التي كشفتها لأول مرة.

وبسؤالها من قبل "منى عبد الوهاب": "عشان ابقى نفسى لازم اتخلى عن حاجات وأشخاص كتير؟".

وردت عليها "انتصار" قائلة: "عشان تبقي انتي عشان تحفظي على انتي مش هتعرفي تجاملي كل الناس، لازم تقطعي حاجات كتير وتمنتجي، مرة كنت بصور وكان معايا أجندة تليفونات وكنت عاوزة اطلع نمرة صحفي وكان قاعد جمبي أستاذ رياض الخولي وقالي ايه كم التليفونات دي كلها؟ الناس دي كلها مهمة بالنسبة لك؟، قلت له لأ نصهم مثلا قالي خلاص منتجي قصقصي اللي مالوش لازمة يومك لا يحتمل الأجندة دي كلها وخلي اللي انتي عاوزاهم بس والكلمة دي فضلت في دماغي 10 سنين وكانت جملة عبقرية وقالها بسلاسة من غير ما يقصد كان بيحكي عن نفسه وانا نفذتها".

واستكملت: "والمونتاج في حياتي يجوز على أي حد، أي حد يقع تحت مقصلة المونتاج ولما حاجة امنتجها والاقيها بتطلع لي بعدها بفترة بطردها وده عاوز ثقة فى النفس يعنى لما بتعرفي أن المشكلة أقوى منك حاولي انتي تبقي أقوى منها، انتي مكانك ورا ايه اللي جابك قدام أصل أنا بفرض نفسي عليكي، تفرضي نفسك عليا ليه انا رميتك ورا من 3 أو 4 سنين ليه بتنطي كل شوية".

اقرأ أيضا:

بالصور| يسرا وإلهام شاهين وكارول سماحة تتناولن السحور في قصر محمد علي

هل منى زكي الأعلى أجرًا في الوسط الفني؟.. الفنانة تجيب