إنتصار: "مبحبش النفسيات المريضة لما تمسك مناصب"

كتب - مروان الطيب:

حلت الفنانة انتصار ضيفة ببرنامج "ع المسرح" تقديم الإعلامية منى عبد الوهاب ويعرض على قناة "الحياة".

وتحدثت "انتصار" عن العديد من الموضوعات منها علاقتها بالوسط الفني، وعن أعمالها الفنية خلال الفترة المقبلة، إلى جانب العديد من الأسرار والكواليس التي كشفتها لأول مرة.

وبسؤالها من قبل منى عبدالوهاب: "بتهتمي بحكم الآخرين عليكي؟".

وردت "انتصار" قائلة: "بتضايق من النفوس المريضة لما تبقي ماسكة مناصب ويبقى ليهم حكم فيأثروا على الآخرين ويبقى لي وضع ويقدر يقول ويقول حاجة غلط مثلا عليا أو على الآخرين في العموم وأنا مبحبش النفسيات المريضة دي لما يمسكوهم حاجة عشان كده رأيي قبل ما يمسكوا حد في منصاب يعملوا له جلسة نفسية ويبقى فيه تقييم هل ده ينفع الحياة العامة يحكم فيها عشان احنا عانينا كتير من الناس دي وتعبنا".

واستكملت: "أولا بيجيب كل قرايبه يشتغلوا حواليه ومبيديش الفرصة للي يستحق يتعين أو يشتغل وده مش بس في الفن ده في كل حته في الدنيا شغل قرايبك ومعارفك وعلى فكرة أنا مش ضد حد يشغل ابنه أو بنته والحكومة فيها تعيين أبناء العاملين وتدخلي مكان يقولك كل دول من البلد بتاعة المدير وانت كده قفلت كام فرصة على كام شخص".

وعن رأيها في ظاهرة أبناء الفنانين: "شايفاها ظاهرة كويسة جدًا والسوق بيثبت اذا كانوا موهوبين ولا لأ، لأن دي مهنة مفيهاش مجاملات بس هو ياخد فرصته لأن هو من الأول مؤهل من البيت أنه يشتغل يعني مارس مع والده المهنة دي من غير ما هو يحس من مشاهدة الأفلام والأعمال بتاعة والده يروح مع الاستوديو بيبقى مولود في بيت فني وده اسمه تدريب منذ الصغر وبقي في دمه الحكاية ولو في حد مش موهوب السوق هيرفضهم".

وأضافت: "الجمهور احنا بنبقى ظالمينه طول الوقت، وأصل الجمهور عايز كده، لأ .. الجمهور مش عايز كدة، وأنت اللي عملت كده الناس في الشارع بيكلموكي على فيلم الأرض بتاع محمود المليجي والناس بتحب فيلم الأرض والجمهور بيفهم على فكرة وعنده وعي ومش هتشربه حاجة بالعافية عشان انت ليك مزاج تعمل الحاجة دي ومفيش حاجة اسمها الجمهور عايز كده".

اقرأ أيضا:

بالصور| يسرا وإلهام شاهين وكارول سماحة تتناولن السحور في قصر محمد علي

هل منى زكي الأعلى أجرًا في الوسط الفني؟.. الفنانة تجيب