لقاء الخميسي تهاجم انتصار: "نكاشة وبتفتي عشان عايزة تطلع ترند"

كتب - معتز عباس:

كشفت الفنانة لقاء الخميسي، تفاصيل جديدة عن أزمتها مع الفنانة انتصار قائلة: "علاقتي بانتصار كانت كويسة جدًا، بس هي بتتكلم كتير، وطول الوقت بتفتي وعايزة تطلع ترند.. إنتصار نكاشة".

وأضافت "الخميسي"، خلال استضافتها ببرنامج "أسرار" مع الإعلامية أميرة بدر المذاع على قناة النهار اليوم الأربعاء، "أنا قلت للناس محدش يبعتلي حاجة عن انتصار عشان هي بتقول كده طول عمرها، بتقول أصلا مكانتش لقاء الخميسي بطلة راجل وست ستات، حضرتك أنا أول واحدة اتبعتلي سكربيت المسلسل".

وأكملت: "أنا عايشة على دور رانيا في راجل وست ستات الستات ايه المشكلة فين الأزمة، حتى لو عملت دور خطير بين 30 او 40 دور، أيوة أنا عايشة على دوري في راجل وست ستات الستات لغاية دلوقتي">

واستطردت: "أنا مش بضايق من انتصار ولما بشوفها بسلم عليها عادي لكن مش هعاتبها، لأن لو عاتبتها يبقى كلامها صح، بس أنا منجرحتش منها ومش فارق لي، وكلنا في مسلسل راجل وست ستات أبطال".

برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.

اقرأ أيضا..

انهيار جوهرة وبدرة بسبب مقلب رامز " رامز جاب من الأخر"

أرملة حلمي بكر ترد على تصريحات نادية مصطفى: لو عندك حاجة ضدي طلعيها