أحمد شوبير عن فشل صفقة "أبو جبل" للنادي الأهلي: "الشناوي مبيرتحلوش وابني اتظلم"

كتب- مروان الطيب:

حل الإعلامي أحمد شوبير ضيفًا على برنامج "العرافة" تقديم الإعلامية بسمة وهبة ويعرض علي قناة "النهار".

وتحدث عن صفقة حارس المرمي أبو جبل والذي كان من المقرر أن ينضم لصفوف النادي الأهلي عقب بطولة كأس أمم إفريقيا الأخيرة وكون "شوبير" السبب وراء عدم انضمامه بسبب نجله "مصطفى شوبير" وعلق: "لو حارس مرمى كويس هيلعب مش كويس مش هيلعب، وانا كإعلامي شغلتي الخبر ولما يكون عندي خبر ان الأهلي وقع مع ابو جبل وانا اقول إن أبو جبل أهلاوي لاخر الموسم، وأنا شغلتي الانفرادات الناس بتجيلي عشان الانفرادات وحتى لو على حساب ابني".
واستكمل: "واللي قلت إن الشناوي حارس مرمي النادي الأهلي مبيرتحش لأبو جبل وفى حاجات مفيهاش استنتاج والخبر صح وهو انتقال أبو جبل للنادي الأهلي وقتها والموضوع مفيهوش مصلحة دي أخبار ودوري الأخبار والانفرادات ومثلا رمضان صبحي كان قالي مش هلعب في مصر غير للنادي الأهلي وبعدين غير رأيه".

وأضاف: "مصطفى ابني بيتعرض لظلم بسببي وانا لو مكانه مستحملش الضغوط اللي حصلت عليه لأنه هادي وغيري خالص وقدر يتخطى عقبات كثيرة جدًا لكن أنا معرفش اتحمل الضغوط اللي اتعرض لها مصطفى بجد والله وهو واد جدع وحارس مرمى كويس".

اقرأ أيضا:

بعد الإشادة بـ روجينا والمخرج رؤوف عبد العزيز.. اليوم انتهاء تصوير مسلسل "سر إلهي"