أحمد حلمي عن علاء ولي الدين: "كان مسلمها لله أوي ومكنش بيفوت فرض"

كتبت- نوران أسامة:

حل النجم أحمد حلمي ضيفا في برنامج "Big Time Podcast"، الذي يقدمه الإعلامي عمرو أديب، وتحدث عن بداية معرفته بـ الفنان الراحل علاء ولي الدين وعلاقته بـ ربنا.

وقال حلمي: "علاء اتخطف بدري زي ما بيقولوا يعني، عارف اتنين يبقوا أصحاب أوي في وقت قصير كأنهم يعرفوا بعض من 15 سنة، هو ده اللي حصل بيني وبين علاء ولي الدين، أول معرفتي بـ علاء كانت في عبود على الحدود، كنت عارفه بس معرفهوش شخصياً".

وتابع: "هو كان بسيط جداً جداً، واتصاحبنا بشكل سريع أوي، جايز الظروف، أن أول بطولة ليه وأنا أول مرة أمثل، أنا مكنتش أعرف أن الدور كدا كنت فاكر إني هعمل مشاهدين وخلاص".

وأضاف: "كان يروح الأوضة قبل ما نشتغل بساعتين يقعد مع نفسه محدش يدخل عليه، يقعد يقرأ ورد، دي صورة محدش يعرفها عنه هما فاهمين ان هو الشخص اللذيذ اللي بيهزر طول الوقت، هو كان مسلمها لله أوي وعارف إنه في رحاب الله، مكنش بيفوت فرض".

واستضاف برنامج "Big Time Podcast" في أولى حلقاته الفنانة أصالة والفنانة شيرين عبدالوهاب والتي أثارت الجدل بالعديد من التصاريح، كما كشفا عن العديد من الأسرار والخبايا.

وأعلن المستشار تركي آل الشيخ، رئيس الهيئة العامة للترفيه، عن عرض بودكاست Big Time تحت رعاية الهيئة العامة للترفيه، وهي فعالية جديدة مميزة ضمن فعاليات موسم الرياض 2023.