مها أحمد: "مغلطتش في السقا وكرارة عشان أعتذرلهم"
الفنانة مها أحمد
تطبيق مصراوي
لرؤيــــه أصدق للأحــــداث
علقت الفنانة مها أحمد، على أزمة غضبها من الفنانان أحمد السقا وأمير كرارة أثناء عرض مسلسل "نسل الأغراب"، قائلة: "الغضب مخسرنيش السقا وكرارة، ومقصدتش أزعل أحمد وأمير، وساعتها مقللتش منهم، والسقا أخويا ولو شاف حاجة معجبتوش فيا بيقولي، لكني غلط إني عاتبت على السوشيال ميديا، أيامها مكنش عندي دراية بقوة وجبروت السوشيال ميديا وموضوع التريند، وكنت بعيدة عن السوشيال ميديا، ولما لقيت الناس عاملة أكونتات فيك قلت لا أعمل أكونت خاص ليا، وقلت أقعد أفضفض مع نفسي على السوشيال، نمت صحيت لقيت الدنيا مقلوبة عليا، واكتشفت أن فيه ناس في السوشيال بتكرهك أكتر ما بتحبك".
وقالت مها أحمد، ببرنامج "أسرار" مع الإعلامية أميرة بدر المذاع على قناة النهار: "كبريائي معملتش حاجة تستاهل اني أعتذر لكرارة والسقا، ومجدي عاتبني وقالي كنتي قولتيلي أو فضفضتي معايا الأول، وكان ممكن أشيل البوست اللي عملته لكن لقيت في توابع فيها تطاول، فقولت مش هشيله، كل الفنانيين كانوا محايدين حتى النقابة".
وأضافت: "فيه فنانات ومذيعات مرتزقة كتبوا شكر للسقا وكرارة، على أساس اني بنت البطة السودة، واللي فرق معايا 3 أشخاص، واحدة قعدت تشكر في المسلسل وبعدها كلمتني، والتانية معروف انها صاحبتي وفجأة لقيتها كاتبة بوست طويل عريض بتشكر في تربيتهم، والناس في الكومنتات بتقولها طب وصاحبتك؟، وأنا معاتبش حد بالعكس هسيبه على عماه".
برنامج "أسرار" تقدمه الإعلامية أميرة بدر على شاشة النهار يومياً في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
اقرأ أيضا:
نانسي عجرم:"وزني 50 كيلو وباكل كنافة مرة في السنة".. برنامج "Big Time Podcast"
فيديو قد يعجبك:
