"عمري ما هكدب على الناس".. خالد الصاوي يتحدث عن أسوء كوابيسه

كتب-محمد أبوالمجد:

قال الفنان خالد الصاوي، إن لديه كوابيس متكررة أهمها حاليًا إني أكون على خشبة المسرح ومش جاهز والنص مش فاكره، مضيفًا: "الإحراج العام دا فشل عام، وأحيانًا بياخد صور تانية".

وأضاف "الصاوي" في حوار مع الإعلامية منى عبد الغني، في برنامج "أنا والقناع"، على فضائية "الحياة"، مساء اليوم الأحد: "أنا عمري ما هكدب على الناس ولكن قد أخبي حاجات، ولو بتثق فيا عمرك ما هتكتشف أن الحاجات دي فيها حاجات تصدمك في خالد الصاوي لدرجة إنك قول يا نهار".

وتابع: "الواحد في السن دا بقيت مضطر أقول للناس إن صوتي بيروح 10 أيام كل 3 شهور، وضهري فيه آلام بجانب رجلي، والحمدلله دلوقتي بقيت متفائل بعد ما عملت أكثر من عمل ناجح عرفت أطلع من عنق الزجاجة".