سعد الصغير عن زواجه من شمس: مينفعش أتجوز رقاصة.. واللي معاه ورقة يثبت

كتب – معتز عباس:

قال الفنان سعد الصغير، إنه لم يتزوج أي راقصة، مضيفًا: "لم أتزوج الراقصة شمس، قلت إنني تزوجتها بعدما بكت لي وطلبت مني أن أقول ذلك على الهواء خوفا من إخوتها.. لكن مكنش في أي ورق أو زوج".

وأضاف "الصغير"، خلال لقائه في الجزء الثاني من برنامج "العرافة"، تقديم الإعلامية بسمة وهبة، المذاع على قناتي "المحور" و"النهار"، اليوم الأحد، قائلًا: "الكلام كان أونطة، أنا مينفعش أتجوز رقاصة، لو هي قالت حاجة غير كده تثبت، مش معاها أي ورقة".

وأكمل: "شمس دي واحدة كانت بتعيط واخواتها هيضربونها وقوت كدا في الفيديو لكن لا في ورقة ولا جواز، مش في شهود وفي محامي هما فين، اقسم بالله لولا احنا في ايام مفترجة يا بسمة لكن انتي معندكيش حق وجاية عليا، وانا مينفعش اتجوز رقاصة وعايزها تثبت ومكنش في جواز معاها لا حلال ولا حرام".