محمد علي خير: "أنا الوحيد اللي بقعد على القهاوي الشعبية"

كتب- محمد أبوالمجد:

قال الإعلامي محمد على خير: "أنا موجود دائمًا في تجمعات الناس، ومش هتلاقي مذيع قالك أنا بطلع بقعد على قهاوي شعبي بيشربوا فيها شاي بـ 5 جنيه يقول، أنا الوحيد اللي بقعد على القهاوي الشعبية وبقابل الناس"، لتقاطعه: "دا حلو بس برده دا مش مقياس".

وأضاف "علي خير" في حواره لبرنامج "العرافة" والذي تقدمه الإعلامية بسمة وهبة، على فضائية "المحور" و"النهار" اليوم الأربعاء: "أنا تليفوني موجود تقريبًا مع كل مواطنين مصر ويوميًا بيجيلي تليفونات من جميع أنحاء الجمهورية، سواء قضايا يعرضوها أو عايزين يعملوا مداخلة معايا في البرنامج، وبمشي في الشارع وبقعد على القهوة".

وتابع: "أنا بخلص شغلي وبروح والجمهور ولله الحمد ليل نهار معايا على التليفون، ولو في جهاز اتصالات يطلع هيقول الراجل دا بيقول بيجيله تليفونات من طوب الأرض من جوا مصر وبره مصر"، لتقاطعه بسمة وهبة، قائلة: "كلنا لو نزلنا أرقامنا الخاصة كل الناس هتتصل بينا"، ليرد: "خده مره سواق التاكسي كل الناس خدوه منه"، لتقاطعه: "يبقى أهو أنت اللي ناشره".

ويعد برنامج العرافة امتدادًا لبرامج بسمة وهبة الرمضانية، والتي تعتمد على كشف أدق تفاصيل النجوم وخباياهم وإظهار الوجه الآخر لهم، ما يؤدي لصدمة كبيرة لدى الضيوف والمشاهدين، من المفاجآت التي تكشفها خلال الحوار وعن كيفية معرفتها بأدق تلك التفاصيل في الحياة الخاصة للضيوف.