ماجدة خير الله تكشف لـ"مصراوي" عن رأيها في مسلسل "المشوار" ومحمد رمضان

كتب- وائل توفيق:

قالت الناقدة الفنية ماجدة خير الله، إن مسلسل "المشوار" للنجم محمد رمضان واجه مشكلة في إيقاعه، وليس في أداء الأبطال.

خير الله أضافت لـ"مصراوي": "أداء محمد رمضان للشخصية الموجودة في المسلسل أداء جيد ومناسب جدًا، الفكرة أن السيناريو خلى الأحداث تطول ومبقاش فيه تدفق في الحركة، مشكلة المسلسل مش مشكلة أداء أبدًا".

وتابعت: "قصة المسلسل المفروض ناس سارقين حاجة وناس بتطاردهم، مينفعش الإيقاع يبقى واقع كده يعني".

استكملت: "محمد رمضان موهوب، لكن معندوش فن إدارة الموهبة، وكل ما تجيله فرصة أعتقد بيفسدها لإن عنده الأنا عالية، بيتدخل ومفيش مخرج هيكمل بالشكل ده، وواضح أن المخرج محمد ياسين حصل شئ بينهم، فقرر أن يبتعد".

وعن مدى نجاح أو فشل "المشوار"، قالت: "مقدرش أقول إنه فشل، لكن مش النجاح اللي ناس منتظراه".