غادة عبدالرازق تتحدث عن الحسد والمسلسل الذي أصابها بالكآبة

كتب- وائل توفيق:

تحدثت الفنانة غادة عبدالرازق عن إيمانها بوجود الحسد، وعن العمل الذي شعرت بسببه بالكآبة.

وأثناء استضافتها في برنامج "كلام الناس" على شاشة قناة "إم بي سي مصر" كشفت عن حزنها بسبب فشل أحد أعمالها الدرامية: "مسلسل سمارة غيرت الجهة الإنتاجية اللي كنت شغالة معاها وبتفاءل بيها، ورجعت كمان كارثة الثورة، مكناش عارفين هنكمل ولا مش هنكمل، منجحش النجاح اللي كنت متخيلاه، عرفت إني فيه شعرة بين الغرور والثقة، وعرفت إني تخطيت الشعرة وحسيت بالغرور، فبدأت أرجع لنفسي".

وعن إيمانها بوجود الحسد والعين، قالت: "مكنتش بصدق في العين، لحد ما بدأت أحس إني في حاجة مش صح، حتى في أسلوبي، كنت بصحى من النوم مخنوقة، كنت بتسرع في ردود أفعالي، كنت بقول ليه يعني؟ حسيت أني أنا بتكويني الشخصي في حاجة غلط، قعدت أسمع إن في حد عاملك حاجة، صدقت شوية، بعدها قولت بلاش الهبل، وغيرت المكان اللي كنت عايشة فيه".

وبخصوص مسلسل "الكابوس"، قالت: "جابلي كآبة".

وكان آخر أعمال النجمة غادة عبدالرازق مسلسل لحم غزال الذي عرض ضمن سباق دراما رمضان 2021، وشاركها في بطولة العمل: شريف سلامة، عمرو عبدالجليل، مي سليم، وفاء عامر، رحاب الجمل، أجمد خليل، شريف دسوقي، وليد فواز، خالد محمود، وهو من تأليف إياد إبراهيم، ومن إخراج محمد سلامة.