"مش عايز أشوفه بيتعذب".. انهيار إسلام إبراهيم لهذا السبب (فيديو)

كتب- وائل توفيق:

انهار الفنان إسلام إبراهيم أثناء حديث الفنان محمود الليثي، عن مكانة الأب في حياة أولاده.

وتحدث "الليثي" عن مكانة الأب في حياة أولاده وقال أثناء استضافتهما في برنامج "حبر سري" على شاشة "القاهرة والناس": "لما أمك تقول روح أضرب الواد اللي ضربك، مبتحساش قوية، إنما أبوك لما يقولك روح أضربه، تحس إن في ضهر، ففكرة إن الضهر مش موجود بتأثر في وقت ما".

تدخل الفنان إسلام إبراهيم أثناء حديث "الليثي" وحكى باكيًا: "بقعد أبص على بابا بحس بعجز شديد، لإن الدنيا لفت بسرعة، كان عندي حساسية وأنا صغير وكان بابا يصحى الفجر يقعد يلف دمياط كلها علشان يلاقي دكتور آخد جلسة كورتيزون علشان أعرف أتنفس، فلفت الدنيا، أنا مش عارف أعمله حاجة، بجيبله الأكسجين لحد البيت ومش عامله حاجة".

وتابع "إبراهيم": "الأب هو السند والضهر فعلا، حتى دعاهم لو مش قادر يعملك حاجة، الدعوة بتخترق أي شيء، كان عندي مشكلة في الشغل، فقولتله، المشكلة تحلت، كان في مكالمة، المكالمة اللي بعدها المشكلة تحلت، ربنا يطمني عليه، ومش عايز أشوف بيتعذب".

يشارك إسلام إبراهيم في موسم مسلسلات رمضان 2022، من خلال مسلسل "راجعين يا هوى" مع النجوم: خالد النبوي، هنا شيحة، نور، أحمد بدير، ووفاء عامر وغيرهم، من إنتاج تامر مرتضى، سيناريو وحوار محمد سليمان عبدالمالك عن قصة الكاتب الكبير أسامة أنور عكاشة، وإخراج محمد سلامة.