مصطفى قمر: أرفض التشاؤم ومهتم بعلم الطاقة

كتب-هاني صابر:

حل الفنان مصطفى قمر، ضيفاً في برنامج "اتنين اتنين"، مع إيناس سلامة الشواف، على راديو إنرجي 92.1، وخلال الحلقة تحدث قمر على الثنائيات في حياته.

وتحدث في بداية الحلقة عن ثنائيات الفشل والنجاح قال قمر: "الفشل بيعلمك إزاي تبحث أسبابه عشان تستبعد الخطأ اللي اتسبب فيه وبالتالي تعرف تنجح.. أما النجاح خطواته أصعب لأن تفكيرك بيكون إزاي تنجح أكتر، وهكذا".

أما عن ثنائيات الأمل واليأس، قال: "أنا مهتم بعلم الطاقة ولذلك أرفض التشاؤم لأنه طاقة سلبية بتتنقل منك للكون فبتتحقق لكن الثقة في إرادة الله بتحقق لك أحلامك ".

وخلال حديثه عن ثنائيات المحبة والكره، قال: "المحبة مطلوبة دائما أما الكراهية بتكون بسبب موقف اتعرضت له وهنا لازم تدرب نفسك تنقي قلبك".

أكمل حديثه: "الأفعال والأقوال كل حاجة منهم ليها وقتها.. المهم إني لو مش قادر أعمل أقول ده بصراحة وبشكل طيب.. والأفضل إنك تعمل بدون ما تتكلم عن مجهودك إلا لو واجهت النكران وقتها تتكلم".

وعن ثنائيات الحضور والغياب في الحياة، قال: " الغياب لايجوز يكون مقصود مع من تحبهم والحضور الحقيقي مطلوب لا تغنى عنه التليفونات وخاصة مع الأشخاص المقربين منك".