عمرو مصطفى يعلق على كوميك صفحة "إميليا كلارك"

كتب- وائل توفيق:

نفى الفنان عمرو مصطفى اتهامه بأنه وراء انتشار تريند "في رمضان" عبر صفحة الفنانة الإنجليزية إميليا كلارك على موقع التواصل الاجتماعي "فيسبوك".

وقال أثناء استضافته عبر برنامج "حبر سري": "أنا مليش في الكلام ده، مليش في الكلام ده، أنا أكبر من كده، لا لا، أقسم بالله العظيم أنا لا أعلم عن ده أو ده، هو أنا محتاج بروباجندا، هي جات من عند ربنا سبحانه وتعالى، هعمل ده فين، تليفون مين، لو ليا علاقة بالسوشيال ميديا، كانت دافعت عني في اللي بيحصل فيا، في ناس بتعمل فيديوهات علشان تحاربني، تطلع شكلي وحش، ناس تكتبلي على الفيسبوك، إنت بتغني ليه، إنت صوتك وحش، هو لو عندي جيش أو ناس بتوع سوشيال ميديا، مش هيحسنوا صورتي، وأد إيه عمرو عمل كذا، مش محتاج لده، سلاحي هو موسيقتي مش سوشيال ميديا، ده حركات الضعفاء".

وتابع: "لما تيجي حاجة من عند ربنا حصلت خلاص، حصلت من عند ربنا، مش هقول من عند ربنا وأنا اللي عاملها، لإن أنت كده بتعمل ايه، بتقولي حاجة عن ربنا سبحانه وتعالى مش حقيقية، أنا بقولك ده من عند ربنا سبحانه وتعالى، طالما قولت كده خلاص اتقفلت القصة كلها، لكن انهارده مش محتاج لده، ولما شوفت قعدت أضحك، مليش علاقة، حساب مزيف ولا مش مزيف، قعدت أضحك، يعني الموضوع مكانش شاغلني قوي، لإني مركز في حاجة أعمق، اللي هي الموسيقى اللي جاية، هي دي كل تفكيري، ولما الحاجة دي حصلت، قلت الحمد لله أهو الناس بتضحك، طلعت هزرت مع ولاد عامر، ومع ولادي، وخدت الموضوع بتهريج"

وتصدر الفنان عمرو مصطفى تريند مواقع التواصل الإجتماعي، طوال شهر رمضان بسبب جملته الشهيرة "في رمضان".

بالعودة لحلقة عمرو مصطفى مع الإبراشي، كان يعلّق على مشهد للفنانة عبير صبري في مسلسل "السيدة الأولى" عام 2014.

وانتشر تعليق عمرو مصطفى "في رمضان" خلال الفترة الماضية على السوشيال ميديا، وتم استخدامه كـ"كوميكس" من قِبل الكثيرين للتعليق على العديد من المواقف الطريفة في شهر رمضان.