الاختيار 3" الحلقة 24.. السيسي يحذر مرسي بعد خطف الجنود في سيناء : "العساكر دي لو مارجعتش"

كتبت- منال الجيوشي:

شهدت الحلقة الـ 24 من مسلسل "الاختيار 3" والتي تعرض على شاشة (ON E) العديد من الأحداث أبرزها:

في مكتب وزير الدفاع الفريق عبدالفتاح السيسي (ياسر جلال)، يلتقي بمدير مكتبه اللواء عباس كامل (جمال سليمان)

عباس: يا فندم أنا عندي تخوف من بعض العبارات إنها تستخدم بغير المقصود، والناس تحس إن الجيش تخلى عنهم

السيسي: إحنا مع إرادة الشعب قلبا وقالبا.

بعدها يتصل بالرئيس محمد مرسي (صبري فواز) في مكتبه ويقول: ازيك يا فندم، أخبار حضرتك ايه، حضرتك عرفت بلقاء السياسيين والمفكرين ورجال الاعمال، بعد كلامي ده عندك فرصة لمباردة حقيقية، أنا خايف على البلد من بكرة، وأنا هيأت لحضرتك الأجواء عشان المباردة

يجلس "مرسي" مع خيرت الشاطر (خالد الصاوي)، ويسأل الأخير: مباردة ايه.. أي حاجة هتتعمل هتبقى تحت ضغط

مرسي: الراجل كتير خيره عايز المعارضة تطول بالها علينا

الشاطر: أنا قلت قبل كده الراجل ده أنا مش مستريحله

يُختطف عدد من المجندين من "ميكروباص" في سيناء، من قبل مسلحين.

ترصد أجهزة الدولة الأمنية هواتف المجندين ووتتبع خطوطهم، ولم يعلن أي تنظيم مسؤوليته عن الحادث.

يجلس مرسي مع مدير مكتبه دكتور أحمد، ويقول الأخير إنه يحمل رسالة من المهندس خيرت الشاطر، وهي أن يحتفظ بهدوءه عند اجتماعه مع وزيري الدفاع والداخلية باعتباره القائد الأعلى للقوات المسلحة، وأن المختطفين سيعودون لأهاليهم بدون نقطة دم واحدة.

فيسأل مرسي مستشاره، هل المهندس خيرت له علاقة بالحادث، فيرد قائلا: لا ، لكن حدث سوء تفاهم.

تخرج الرئاسة بخطاب عن الحادث وترجو فيه سلامة "الخاطفين" والمخطوفين مما يثير الكثير من علامات التعجب.

يتحدث القياد الإخواني محمود عزت (مجدي سعيد) مع خيرت الشاطر، ويتضح علاقتهم بخطف الجنود، فيقول: جمال علام واللي معاه محتاجين رسالة يطمئنوهم من الجيش، هما خايفين إن الجيش يوصلهم والأمور تخرج من ايدهم

خيرت: هما خايفين من إيه، شوف مين من عندنا يروحلهم ويطمنهم، ويروحلهم بعربية من عربيات الرئاسة

عزت: بس الرئيس مرسي خايف ومتوتر من اللي بيحصل.

يتحدث وزير الدفاع مع محمد مرسي هاتفيا، ويقول: يا سيادة الرئيس من فضل حصرتك الخاطفين لازم يعرفوا حاجة، العساكر دي لو مرجعتش أنا هعمل عمل يفوق خيالهم

تتوصل الجهات الأمنية إلى معلومات عن الخاطف، ويتم تحديد مكان الجنود.

في لقاء بين مرسي وخيرت، يقول الأخير: لا خطف إيه، إحنا مش بتوع اللكلام ده ، بس هي كل الحكاية إن جمال علام ومجموعة من حبايبنا كلموني عن عفو رئاسي، قلتلهم مش هينفع

مرسي: يقوموا يخطفوا عساكر ده موضوع لا يمكن السكوت عليه

خيرت: ثق فيا يا دكتور، الموضوع ده ممكن نطلع منه كسبانين.

ترصد الأجهزة الأمنية سيارة من الرئاسة وصلت لسيناء، وهذا يعني أن هناك خط اتصال بين الخاطفين وجماعة الإخوان.

يظهر العساكر في مقط فيديو يهاجمون وزير الدفاع ويتهمونه بالتقصير، ويناشدون رئيس الجمهورية بالتدخل.

في مقر وزارة الدفاع يشاهد الفريق السيسي فيديو عن الجنود المختطفين، فيدخل اللواء عباس كامل ويقول: ده تقدير موقف عن الوضع في سيناء، يافندم موضوع خطف الجنود السبعة بيفكرني بموضوع رفح

السيسي: قصدك يعني يلاقوا سبب عشان يقيلوني طيب ما يقيلوني، أنا قدمت استقالتي أكتر من مرة، أنا اللي يهمني دلوقتي العساكر.

يتلقى مصطفى (أحمد السقا) رسالة من الشيخ شوربجي عن دعوة للتفاوض ووساطة من قبل المختطفين، فيتقابل "مصطفى" ويهدده باستخدام القوة إذا تم إيذاء الجنود وعدم إطلاق سراحهم.

في مكتب وزير الدفاع يقول: تفاوض إيه اللي يحصل مع مجرمين زي دول، وطالما طلبوا التفاوض يبقوا عارفين إننا خلاص هنوصلهم، كلها يوم بالكتير العساكر دي هتبقى في بيوتها.

ترصد أجهزة الأمن مكالمة بين جمال علام وأحد أفراد الجماعة، ويقوموا بتحديد مكانهم، وفي الطريق للجنود، يخبر مصطفى صديقيه المقدم زكريا يونس (كريم عبدالعزيز) والمقدم مروان (أحمد عز)، أن الجنود قد تم إطلاق سراحهم.

"الاختيار 3" بطولة: أحمد السقا، كريم عبدالعزيز، أحمد عز، ياسر جلال، خالد الصاوي، عبدالعزيز مخيون، صبري فواز، وعدد من ضيوف الشرف، ومن تأليف هاني سرحان، وإخراج بيتر ميمي.​