عبير الشرقاوي تهاجم بطلوع الروح: "مسلسل الهبل والتناول غبي "

كتبت- بهيرة فودة:

هاجمت الفنانة المعتزلة عبير الشرقاوي، ابنة المخرج الراحل جلال الشرقاوي، مسلسل" بطلوع الروح" بطولة الفنانة إلهام شاهين.

وكتبت عبير الشرقاوي، عبر حسابها الشخصي بموقع "فيسبوك": "أسرة مسلسل الهبل بطلوع الروح.. التناول غبي مش معقولة نطلع الناس بتوع داعش خاينين وبيرتشوا وبيشربوا خمرة.. دول ناس بيعتبروا نفسهم مجاهدين في سبيل الله، ومستعدين للموت في أي لحظة".

وأضافت: "إحنا عارفين إنهم على باطل آه، بس هما مش عارفين هما بيعتبروا نفسهم المسلم الحق، وأي حد جانبهم مسلم ناقص، فمش معقولة نطلعهم بيشربوا خمرة إيه الهبل ده، بقى معقولة البطل إللي بيعتبر نفسه مجاهد عنده غزوة تاني يوم، وممكن يتقتل وهو عارف كده يروح يجيب خمرة ويشرب هو ومراته.. أرحمونا يا هبل.. خسارة الفلوس والله".

مسلسل "بطلوع الروح" بطولة منة شلبي وإلهام شاهين وأحمد السعدني ومحمد حاتم ودياموند بو عبود وعادل كرم وآخرين، ومن تأليف محمد هشام عبية وإخراج كاملة أبو ذكري، ويُعرض حصرياً على "MBC مصر" في رمضان 2022.