الاختيار 3 الحلقة 21| السيسي يوجه رسالة طمأنة للشعب.. وتسريب جديد لخيرت الشاطر

كتبت- منال الجيوشي:

شهدت الحلقة الـ 21 من مسلسل "الاختيار 3" والتي تعرض على شاشة (ON E) العديد من الأحداث أبرزها:

ترفض "إيريني" زوجة الدكتور موريس (نور محمود) السفر خارج مصر إلا بعد رجوع حق رضيعها الذي مات بعد انقطاع الكهرباء عن حضانة المستشفى.

يقول محمد عبدالعزيز (عصام السقا) إنه سعيد بجمع 5000 استمارة تمرد، وأن هذه مجرد البداية، وأن الهدف القادم هو جمع 15 مليون استمارة لسحب الشقة من محمد مرسي.

متابعا: محتاجين آلاف المتطوعين، إحنا لو جمعننا أول 100 ألف توقيع الناس كلها هتسندنا، وبعدها هنطلع على المحكمة الدستورية نطالبهم بسحب الثقة، لأن المادة الأولى في الدستور تنص على إن الشعب هو مصدر السلطات.

يتابع جهاز المخابرات الوطنية تحركات ماهر (محمد علي رزق) في اليونان، بعد تكليف ماركو له بعدة مهام.

يتلقى جهاز المخابرات العامة معلومات من الشيخ أحمد (منذر رياحنة) يقول فيها إن هناك عناصر أجنبية دخلت مصر خلال الفترة الماضية لتجنيد الشباب وتدريبهم.

يقوم الإرهابي أبو أيوب (خالد كمال) بقتل الإرهابي أبو أنس (عمرو القاضي) بعد اتهامه بالإبلاغ عنه لجهاز الأمن الوطني، ويتحدث "أبو أيوب" في الهاتف مع أبو عمر ويخبره أنه لن يسافر ليبيا، وسيكون خلية إرهابية في مصر وسينضم له أعضاء جماعة أبو أنس.

في مكتب وزير الدفاع الفريق عبدالفتاح السيسي (ياسر جلال) يجتمع مع مدير مكتبه اللواء عباس كامل (جمال سليمان) الذي يقول: الأوضاع الحالية خلت ناس كتير خايفة، أعتقد إن سيادتك محتاج تتكلم مع الناس بشكل مباشر عشان تطمنهم.

السيسي: الشعب المصري لا يمكن يشك لحظة في نزاهة القوات المسلحة واننا لا يمكن نقف ضد مصلحة البلد

كامل: الناس خايفة ومحتاجين رسالة طمأنة من القوات المسحلة، إننا على الأقل مش هنسمح إن البلد تنهار

السيسي: إحنا واجبنا إننا نحمي كل مصري، لازم نطمن كل مصري إننا مش هنسمح لأي حد إنه يخوفه أو يروعه

في أوبريت للاحتفال بذكرى تحرير سيناء، يقف الفريق السيسي ويوجه رسالة لجموع الشعب المصري قائلا: "إحنا إيدينا تتقطع قبل مانمسكم".

يجتمع القيادي الإخواني خيرت الشاطر (خالد الصاوي) مع القيادي محمود عزت (مجدي سعيد) للحديث عن ظهور الفريق السيسي الأخير.

خيرت: أنا معجبنيش ظهور وزير الدفاع والكلام اللي قاله

عزت: الكلمة شفتها عادية ومفيش فيها أي تهديد لينا

خيرت: طبعا الجيش عارف إن الشرعية معانا ومش هيورط نفسه عشان شوية معارضة، وعارف إن هو برضو اتكلم عشان الهجوم على الجيش الفترة الأخيرة

عزت: طيب ليه الكلمة معجبتكش.

خيرت: المقارنة.. المقارنة بين كلام وزير الدفاع وكلام الرئيس، وبصراحة المقارنة مش في صالحنا

في جهاز الأمن الوطني يتم التحقيق مع الإرهابي بركات، من خلية أبو أيوب، التي كانت تسعى لعمل عدة تفجيرات من بينها منطقة الحسين.

يتحدث عدد من قيادات جهاز المخابرات العامة عن التعاون الذي وصفوه بالمثمر مع الشيخ أحمد الذي أفقد العناصر الإرهابية تركيزهم في الآونة الأخيرة.

يحكي ماهر للمقدم مصطفى (أحمد السقا) عن مواصفات ماركو، ويخبره أنه طلب منه أكثر من مهمة منها تقرير يومي عن حال البلد، وطلب منه التعرف على شباب من جماعات واتجاهات مختلفة مثل: تمرد، وحازمون، وجماعة الإخوان، كما طلب منه التعرف على شباب مهربين على الحدود الليبية.

في قصر الاتحادية يجتمع مستشاري الرئيس محمد مرسي (صبري فواز) ويتحدثون عن خطابه القادم في عيد العمال، ويبلغه مدير مكتبه رسالة من المرشد محمد بديع: المرشد بيطلب من سيادتك نقلل الارتجال.

يذهب الشيخ أحمد لمقابلة خيرت الشاطر في مكتب الإرشاد، بعدما طلب الأخير هذا اللقاء.

خيرت: أنا كنت زعلان منك يا شيخ أحمد أنا راجل دوغري وصريح، بس لما عرفت إنك شيخ القبايل في سينا وكلمتك جامدة ومسموعة في سينا كلها قلت لازم اتعرف عليك بنفسي.

متابعا حديثه: أنا زعلان منك عشان موقف الشغل بتاع المقاولات بتاعنا

أحمد: انتوا اللي وقفتوا كل شغل الشركات التانية، يالشغل يرجع لأهل سينا ياما ولا إحنا ولا انتوا هنشتغل

خيرت: يبقى الكلام اللي سمعته عنك صحيح إن قلبك ميت

أحمد: اللي يقرب من أكل عيشنا نقصف رقبته وأهل سينا مبيخافوش إلا من اللي خلقهم

خيرت: طيب إيه رايك نتشارك، تبقى شريك في الشركات بتاعتي

الشيخ أحمد: لا قصدك إيه رأيك يا شيخ تاخدوا قرشين وتبيع أهلك، اللي حكالك عني أكيد مش من أهل سينا

خيرت: بصراحة في البداية عايزك معانا في شغل مقاولات لكن بعد كده حاجات مهمة، فيه شغل تاني، الحدود اللي بيعدي منها يعني فيها مصلحة كويسة

أحمد: اللي بيغلط عندنا غلطة صغيرة بينطرد من قبيلته وبنطرده بيبقى من غير قبيلة، منبوذ، أما لو كانت غلطة كبيرة بندبحه ومبندفنوش في الأرض الطاهرة بندفنه برة أرض الفيروز

خيرت: شيخ أحمد إنت ليه واخد مننا موقف.

الشيخ أحمد: انتوا مش عارفين تفرقوا بين السياسة والشغل، نصيحة مهما لفيت ودرت سينا هتفضل مصرية لا إخوانية ولا غيرها، ولو فكرتوا تيجوا بالعنف والله كنتوا ريحتوني من القعدة والمشوار

خيرت: إنت سألت عني زي ما سألت عليك يا شيخ أحمد

أحمد: سألت وقالولي إنك شاطر

خيرت: ضرورى تسنتاني عشان أردلك الزيارة

وفي نهاية الحلقة يعرض تسريب يتحدث فيه خيرت الشاطر عن المستشار عبدالمجيد محمود، يقول فيه: "جيلي أنا، والناس اللي تعاملت مع عبد المجيد محمود في تاريخه الطويل كله، أو مع عادل عبد السلام جمعة كقاضي، كلنا لا نثق في هؤلاء الناس ولا بنسبة واحد في المليون".

"الاختيار 3" بطولة: أحمد السقا، كريم عبدالعزيز، أحمد عز، ياسر جلال، خالد الصاوي، عبدالعزيز مخيون، صبري فواز، وعدد من ضيوف الشرف، ومن تأليف هاني سرحان، وإخراج بيتر ميمي.​