دينا الشربيني: "تعرضت للخيانة من صديقة وشخص كنت مرتبطة بيه"

كتب-وائل توفيق:

كشفت الفنانة دينا الشربيني عن تعرضها للخيانة من إحدى صديقاتها.

وقالت أثناء استضافتها في برنامج "حبر سري": "تكلمنا بعد فترة كبيرة، ورجعت بس عمرها ما هترجع للثقة العمياء تاني، أنا تضايقت منها، أي علاقة سواء حب أو جواز أو خطوبة أو ارتباط ممكن تخلص، بس أنا بشوف إن الصداقة مينفعش تخلص، يبقوا زي الإخوات، المفروض تبقى حاجة للأبد، طبعا أنا بشوف الجواز زي كده، لكن أقصد إن ده اسمه قسمة ونصيب، ممكن الناس تختلف بكل تفاهم وبكل احترام وبينفصلوا، لكن الصحوبية معناها كبير أوي".

وتعرضت الفنانة دينا الشربيني للخيانة في علاقة عاطفية، أضافت: "زمان، بس كنا صغيرين، حد كنت مرتبطة بيه، أنا لحد دلوقتي لو متضايقة أسمع أغاني نكد".

تشارك الفنانة دينا الشربيني في بطولة مسلسل "المشوار" التي تعرض ضمن الموسم الدرامي الرمضاني الحالي.

مسلسل "المشوار" بطولة محمد رمضان، وأحمد مجدي، وصبري فواز، وأحمد كمال، وصبري عبد المنعم، وبيومي فؤاد، وعمرو عبد الجليل، وغادة طلعت، وندى موسى وغيرهم، ومن تأليف محمد فريد، وإخراج محمد ياسين.