كريم فهمي يكشف عن رأيه في أزمة فيلم "أصحاب ولا أعز" "

كتب-وائل توفيق:

كشف الفنان كريم فهمي عن رأيه في أزمة فيلم "أصحاب ولا أعز".

وقال "فهمي" أثناء استضافة في برنامج "حبري سري" على شاشة "القاهرة والناس": "أنا شايف إن أفلام كتير تعرضت فيه مشاهد مباشرة وفيه حاجات أكتر من كده بكتير سواء زمان أو دلوقتي، أنا الفيلم عجبني، ودي وجهة نظري، وأنا بموت في منى زكي، وإحنا مش أصدقاء، وأعرفها معرفة سطحية، وبحب طبعا أحمد حلمي جدا، وبرضه مش أصدقاء قوي، وأنا واحد من الناس أتمنى اشتغل مع منى زكي، ودافعت عنها عشان الفيلم كويس، عملت دورها بشكل كويس، معملتش حاجة".

وتابع: "في تناقض كبير جدا، زي اللي يشتمك ويجي يتصور معاك، وفي الآخر إنت بتشتمني ليه، أنا بعمل حاجة علشان أبسطك، لو متبسطتش متتفرجش".

وتعرضت الفنانة منى زكي، لهجوم بدعوى "جرأة" مشاهد شخصية "مريم"، التي قدمتها في فيلم "أصحاب ولا أعز"، الذي بدأ عرضه عبر منصة "نتفليكس"، و شارك في بطولته: منى زكي، إياد نصار، نادين لبكي، جورج خباز، وعادل كرم وغيرهم.