الكبير أوي 6 الحلقة 16.. "خناقة" بين "الكبير" و"مربوحة" بسبب لورديانا

كتب- عبد الفتاح العجمي:

شهدت الحلقة 16 من مسلسل الكبير أوي 6، "خناقة" بين "الكبير" (أحمد مكي) وزوجته "مربوحة" (رحمة أحمد)، بسبب حديثه مع صديقه "نفادي" (حاتم صلاح) عن الراقصة البرازيلية لورديانا.

وفي "الكبير أوي 6 الحلقة 16"؛ يظهر "الكبير" وهو يتحدث مع "نفادي" عن إعجابه برقص "لورديانا"، ويقول: "البنت دي فيها حاجة، تسمع الطبلة من هنا وتبقى والله العظيم كيف البلطية اللي طالعة من الميه وعم تطلع في الروح"، يعقب "نفادي": "ولا أنستازيا؟"، يرد "الكبير": "لا حاسب.. لورديانا كلام تاني".

يهرب "نفادي" حينما يكتشف أن "مربوحة" سمعت حديثه مع "الكبير"، ويسألها الأخير: "أنتي واقفة من امتى هنا؟"، فترد: "من ساعة ما الغزالة كانت رايقة.. والبلطية اللي بترعش كده.. بدل ما تبص لبلطي الناس بص لـ الدنيس اللي حداك"، فيعقب: "ما هو الدنيس اللي حدايا مصمم يبقى رنجة"، فترد: "رنجة رنجة.. بس مبطرخة.. أنا عايزة أعرف دول يفرقوا عني في إيه؟ بيتمكيجوا مكياجي ولا بيلبسوا لبسي"، فيعقب الكبير: "لبس إيه يا أم لبس؟ إحنا هنهزر، أستغفر الله العظيم".

"الكبير أوي 6" تأليف مصطفى صقر، إخراج أحمد الجندي، بطولة أحمد مكي، بيومي فؤاد، هشام إسماعيل، ليلى عز العرب، محمد سلام، حسين أبو الحجاج، ورحمة أحمد وغيرهم.