"خالد عليش :"في أب ظالم وأم ظالمة بتبهدل عيالها وتذل طليقها

كتبت- بهيرة فودة:

طالب الفنان والمذيع خالد عليش بالمساواة في حق الولاية مشيرًا أنها يجب أن تكون مشتركة بين الأب والأم.

وكتب "عليش عبر حسابه الشخصي بموقع "فيسبوك"، :" قانون الأحوال الشخصية محتاج تعديل يضمن حق الست والرجل وقبلهم الأطفال، لو عمل درامي ناقش حالة واحدة بظروف معينة، في حالات تانية كتير مظلومة ومتبهدلة سواء ستات ورجالة".

وأضاف:"احنا زي ما بنتكلم على أب ظالم مبهدل عياله عشان يذل طليقته، في أم ظالمة بتبهدل عيالها عشان تذل طليقها اللي ساب جنتها وخلع ويتعاقب باقي حياته (حتى لو هي اللي طالبة الطلاق )

وتابع :"حق الولاية والحضانة لازم تكون مشتركة بين الأب والأم، إزاي أب هيربي أولاده و القانون بيديله بس انه يشوفهم كم ساعة في الأسبوع في مكان عام ومش من حقه ياخدهم و يخرجهم أو يسافر معاهم".

وأكمل :"إزاي الطفل أصلا هيبقى في علاقة طيبة بينه وبين والده وهو مش بيشوفه غير ساعتين في الأسبوع والأم طول الأسبوع بتسمعه كلام وحش بشكل مباشر أو غير مباشر عن باباه وجده وجدته، لازم الطفل يعيش مع باباه ومامته مشتركين، لازم الطفل يسافر مع باباه ومامته ويتفسح معاهم هما الأتنين".

واستطرد:" لازم الأب يكون عنده الحق يدخل لابنه المدرسة ويتناقش مع المدرسين ويروح الطفل أوقات ويمارس دوره كأب مش يمنعوه من ده".

وأختتم عليش حديث:"اتقوا الله في أطفالكم واوعو تشجعوا أم مانعة الأب يشوف أولاده بحجة أنه هيخطفهم ولو عايز تشوفهم تعالى أقعد في بيت أهلي تتفرج عليهم من بعيد عشان متاخدش الطفل وتهرب أو استخدم حق الرؤية وشوف الطفل زي المسجون اللي مستني الزيارة".

وشارك خالد عليش في موسم دراما رمضان 2021 من خلال مسلسل "الطاووس" مع النجوم جمال سليمان، سهر الصايغ، سميحة أيوب، وفرح الزاهد وغيرهم.

كما شارك في مسلسل "أحسن أب" مع الفنان علي ربيع، والفنانة هاجر أحمد، من إخراج معتز التوني.