سوسن بدر تكشف رأيها في الجدل بشأن الحجاب والتمثيل

كتب- مينا غالي:

علقت الفنانة سوسن بدرعلى حالة الجدل التي تثار من حيث لآخر بشأن التمثيل والحجاب.

وقالت بدر خلال لقاءها ببرنامج "حبر سري" على قناة القاهرة والناس مع أسما إبراهيم: "اللي عايز يمثل يمثل زي ما هو عايز، بالحجاب أو بالباروكة ده لوك، هو حر حسب المقتنع به.. في مُدرّسة محجبة وأخرى غير محجبة.. في محامية محجبة وأخرى غير محجبة.. لو هي ممثلة محجبة وهتعمل دور محجبة دي حاجة جواها بينها وبين ربها."

وأضافت: "كوني كنت محجبة وشيلت حجابي دي حاجة خاصة بيّ أنا.. مش من حق حد يتدخل في شؤون حد.. ولا من حقي أحاكمه ولا من حقك تحاكميني أو نصدر أحكام على بعض."

وتابعت: "في الآخر هيحكمنا وهيحاكمنا ربنا وفي مجتمع القانون كشريعة أرضية، لكن غير كده الناس اللي بتحاكم بعضها وبتطلع تقول أحكام على بعضها ربنا معاهم."