خاص | أول تعليق من محمد نجاتي على هجوم أيمن بهجت قمر عليه

كتب- وائل توفيق:

عبر الفنان محمد نجاتي عن دهشته من انتقاد البعض له بسبب تصريحاته الأخيرة عن كيفية تعامله مع السيناريوهات الغير جيدة.

وقال في تصريحات خاصة لـ"مصراوي": "أنا كنت بتكلم عن فترة أواخر التسعينات، ما بعد فيلم عرق البلح، اللي كانت فيها السينما بتمر فيها بفترة صعبة للغاية".

وتابع: "أنا بتكلم عن الأعمال الهابطة، اللي المفترض إنها تتهان عشان متبقاش موجودة، فأنا واحد بدافع عن الفن الجميل الكويس، مش معقول ألاقي هجوم، أكيد مش بتكلم عن المؤلفات العظيمة، ومش بتكلم عن مؤلفات الأستاذ أيمن بهجت قمر، أكيد الرد واضح".

وتساءل: "معرفش ليه الناس بتتصيد الكلام ده، نيتي كانت واضحة، وأواخر التسعينات، كان الورق خايب".

وعن الفترة الحالية، قال محمد نجاتي، إن الفترة الحالية تتضمن اجتهادات جيدة للغاية، أضاف: "في ورق كويس وفي ورق مش كويس".

كان الشاعر الغنائي، أيمن بهجت قمر، قد وصف حديث الفنان محمد نجاتي عبر برنامج "كلام الناس"، بأنه "أحقر تصريح سمعته في حياته".

وتابع "بهجت قمر" عبر صفحته الخاصة بموقع "فيسبوك": "بيحط البطاطس في السيناريو اللي مبعوت له، ولو مش عاجبه عشان ماما تنشف الزيت بيه، بيهين السيناريو، برغم إني أكيد عمري ما بعت له سيناريو، حقيقي يابني إنت تستاهل المكانة اللي إنت فيها".

وكان "نجاتي" قد كشف في برنامج "كلام الناس"، أنه بعد فترة من فيلم "عرق البلح" كان يرفض السيناريوهات السيئة، وقال: "كنت بخلي ماما بتنشف البطاطس عليه، السيناريو يشرب الزيت، فأهين السيناريو الوحش ده، السيناريو الوحش ده الطبيعي بتاعه".