"كنت فاكره شارب طلع بيحبني".. أحمد شيبة عن صاحب مقولة "أسيادنا راضين عليك"

كتب- محمد خميس:

رد المطرب الشعبي أحمد شيبة، على سؤاله حول "مجنون شيبة" صاحب مقولة "أسيادنا راضيين عليك"، وما إذا كانت نمرة متفق عليها، قائلًا: "كنت في فرح وكلام كدب أني كنت متفق معاه، هتفق معاه ازاي"

وأضاف "شيبة" في حواره لبرنامج "شيخ الحارة والجريئة"، مع المخرجة إيناس الدغيدي، عبر شاشة "القاهرة والناس" اليوم الثلاثاء: "كنت رايح متأخر الفرح بس عملتلي صيت كويس"، موضحًا: "أبوصدام بيحبني والحب لا بيتباع ولا بيشترى دا من عند الله، والراجل دا لا مجنون ولا مدروش دا راجل محترم جدًا وانا كنت فاكره شارب في البداية لما كان بيكسر الكراسي وطلع بيحبني وبيحب الأغنية".

وتابع: "الناس بتبوسني وبتحبني ولو مش بيحبوني مكنتش هاجي معاكي البرنامج".