خاص| محمد سيد بشير يتحدث عن طقوسه وذكرياته مع شهر رمضان

كتبت- منى الموجي:

قال الكاتب محمد سيد بشير إن طقوسه في شهر رمضان، عائلية جدا وأنه شخص بيتوتي، لا يميل كثيرا للخروج.

وتابع في تصريحات خاصة لـ"مصراوي": "طقوسي مش أبسط حاجة في العالم، بصحى وبصلي اقرأ قرآن واتفرج مع ماما شوية وده العادي بتاعي".

وعن ذكرياته مع شهر رمضان، قال "أحلى حاجة اللمة وإنك تعملي الزينة بتاعة رمضان، وتجمعي الفلوس من الناس جيرانك، والفوانيس والسهر بالليل في السحور، يا رب تتشال الغمة اللي احنا فيها، والأوضاع ترجع زي الأول".

وأضاف بشير "حاليا بنزل ادور على الفوانيس، عشان اشتريها، والموضوع بيبقاله فرحة، ولو ملقتش ده بحس ان فيه حاجة ناقصة، بستغرب الناس اللي رمضان بالنسبالها عادي، زمان الشوارع كانت بتبقى منورة وفيها زينة دلوقتي الكومباوندات مفيهاش ده، ولو معملناش كده الجيل الجديد مش هيكون عنده حاجة تتعمل ولا ذكريات".

جدير بالذكر أن محمد سيد بشير عُرض له مؤخرا مسلسله الأمريكي cypher، والذي حقق نجاحا كبير ونسبة مشاهذ مرتفعة على نتفليكس، ويغيب هذا العام عن السباق الرمضاني.