أمير طعيمة لمهاجمي رامز جلال: اعتبروه فيلم رعب

كتب - بهاء حجازي:

نشر الشاعر الغنائي والسيناريست أمير طعيمة، عبر حسابه الشخصي بموقع "فيسبوك"، تدوينة يعلق بها على النقد الموجه لرامز وضيوف برنامجه "رامز مجنون رسمي".
‏
وكتب طعيمة: "بعيدًا عن إن رامز صاحبي وبحبه جدا، النقطة دي مهمة جدا للمعترضين على ‏البرنامج، أي ضيف بيروح البرنامج لو مش عايز حلقته تتذاع يقدر يعمل كده".

وأضاف: "في سنة من السنين الفنانة آثار الحكيم رفضت تعرض الحلقة وحلقتها ‏لم تذاع، وطالما البرنامج راضي والضيف راضي ومعظم الجمهور راضي بدليل إن البرنامج نسبة مشاهدته عالية جدا، إيه المشكلة، هل ‏معنى كده إنك كمتفرج لازم يعجبك؟ برضه لا .. لو المحتوى مش عاجبك عندك في نفس التوقيت عشرات الاختيارات".‏

وتابع: "فكرة إن الضيف بيهين نفسه عشان فلوس ده مش حقيقي لأن معظم النجوم اللي بيروحوا مش محتاجين ‏فلوس، يعني بيقبلوا لأنهم شايفين إن الموضوع عاجبهم وبحسبتهم هيفيدهم وده كمان قرار شخصي وكل واحد له حسبته، و حتى ‏اللي بيوافق عشان مقابل مادي فهو برضه حر، ‏it’s win win situation ‎ في جميع الأحوال".‏

وأنهى طعيمة تدوينته قائلا: "و لو بتتخض أو بتتوتر، عامله يا سيدي معاملة أفلام الرعب وما تتفرجش، من حقك تتفرج على اللي بيعجبك ومن حق غيرك ‏يتفرج على اللي بيعجبه".

يُذكر أن الفنان رامز جلال يواجه موجة من النقد بسبب المحتوى العنيف لبرنامجه "رامز مجنون رسمي"، حتى أن نقابة الإعلاميين قررت منع ظهور رامز جلال على القنوات المصرية.

وفي برنامج "رامز قرش البحر"، رفضت الفنانة آثار الحكيم إذاعة حلقتها وقدمت شكوى ضد البرنامج ورامز جلال في القضاء، ولم يتم إذاعة الحلقة.