"ممكن أكرَّه فيه الناس وأحلف على المصحف".. أحمد آدم يرد على اتهامات محمد نجم
09:54 م
الثلاثاء 07 مايو 2019
تطبيق مصراوي
لرؤيــــه أصدق للأحــــداث
كتب- محمد جمعة:
ردّ الفنان أحمد آدم على اتهامات الفنان الكوميدي محمد نجم له بتقليده في المسرح.
وقال آدم، خلال حواره مع برنامج "شيخ الحارة" المُذاع عبر فضائية "القاهرة والناس"، مساء اليوم الثلاثاء: "الناس اللي تحكم، وأنا مش باقلِّد نجم في التمثيل، لكن كنت فعلًا باقلِّده في الحياة، وواضح إن الموضوع كان بيضايقه من غير ما يقول لي".
وأضاف آدم: "نجم واخد مني موقف من زمان؛ لأني تركت له مسرحية من غير ما يعرف السبب، وأنا أرفض أقول السبب؛ لأن ده هيبقى فيه إحراج ليه، لكن باختصار أنا من مدرسة الفنية العسكرية لمحمد صبحي، وما عاجبنيش شكل مسرح نجم، وفجأة لقيتني قدام واحد بيقول منولوج وبيحاسب فيه الصالة، واكتشفت إن نجم بيغيظ بيّا محمد صبحي وعمل مشكلة بيني وبينه".
وتابع آدم: "محمد نجم غلط فيا 20 سنة، وعندي القدرة إني أكرَّه الناس فيه من مواقف أحلف على مصحف إني شُفتها بعيني، لكن أنا أكبر من كده، ومش عايز أغلط فيه لأنه راجل كبير".
فيديو قد يعجبك:
الخبر التالى:
ضحك في كواليس "بركة" (فيديو)
