"جربها قبل ما تشتريها".. مبادرة لتخفيض أسعار اللحوم البلدية في البحيرة - فيديو وصور

البحيرة - أحمد نصرة:

أطلق جزار بمدينة دمنهور في محافظة البحيرة، مبادرة لتخفيض أسعار اللحوم البلدية وبيعها بسعر 280 جنيهًا للكيلو، بدلًا من 340.

وقال أنور الحنبوشي صاحب المبادرة مطمئنًا زبائنه: " العجول إللي بندبحها أعلى مستوى، نفسها بالضبط اللي بتتباع بـ340 للكيلو، أنا بقول للناس متشتريش غير لما تجربوها الأول، خدوا ربع كيلو بس جربوه، وأنا متأكد إنها هتعجبكوا وترجعوا تاخدوا كميات منها".

وفسر الحنبوشي، فارق السعر الكبير بينه وبين منافسيه، مش لازم نكسب كتير في الكيلو، حطينا هامش ربح بسيط خالص وإن شاء الله هيعوضه البيع الكتير.

وردًا على مخاوف البعض من أن تكون العجول المذبوحة كبيرة في السن قال الحنبوشي: "العجول مذبوحة في المجزر الحكومي وبإيصالاتها، والعجل الكبير بياخد ختم مربع مش مدور، وبندبح بقر مش جاموس، وبنسيب الديل في العجل عشان الناس تتأكد".