تكدس على ماكينات الصراف الآلي.. ما يصنعه الحظر يفسده التزاحم في البحيرة- صور

البحيرة- أحمد نصرة:

لليوم الثاني على التوالي تشهد ماكينات الصراف الآلي تزاحمًا وتكدسًا شديدًا، من الموظفين الراغبين في صرف رواتبهم ما يشكل خطرًا بالغًا وبيئة مثالية لانتشار العدوى بفيروس كورونا المستجد.

"لاللي الحظر بيعمله ممكن يضيع كله في لحظة بسبب الزحمة والتكدس الموجودين" بقلق يصف محمد علي الوضع أمام ماكينات الصراف الآلي.

ويقول أكرم الشلمة: "الناس معندهاش وعي، والتعامل مع الموضوع بلامبالاة غير عادية، التحذيرات بتقول لازم مسافة متر على الأقل بين كل واحد والتاني، وزي ما كلنا شايفين مفيش حتى ١٠ سنتيمتر فرق بينهم، لازم حل، الوضع كارثة بمعنى الكلمة".

وتطالب مروة عبدالحميد: "لازم البنك أو الشرطة أو أي جهة تعين مسؤول أمام كل ماكينة يكون دوره تنظيم التزاحم، والتأكد من تطبيق إرشادات الوقاية".

ولا يعد التزاحم أمام ماكينات الصراف الآلي هو المصدر الوحيد للخطورة، فالانتظار العشوائي وغير المنظم أمام البنوك بالخارج يشكل تهديدًا هو الآخر، بعد قرار تخفيض أعداد الانتظار بالداخل إلى ٥٠%.

يقول منتصر صبحي: "مش معترضين على الانتظار بره البنك بس على الأقل يكون فيه حد بينظم ما يسيبوش الوقوف عشوائي كده والناس متكدسة قدام الباب".

وتقول عفاف البرعي: "الناس حتى لو زحمة جوه البنك، لكنها بتكون قاعدة على الكراسي ومنظمة أكتر بأرقام الدور، إنما بره كله متكدس قدام الباب عاوز يدخل".