"كان طيب وفي حاله".. "مصراوي" في قرية قاتل أسرته بالبحيرة- صور

البحيرة- أحمد نصرة:

"هادئ الطباع، حسن السير والسلوك، علاقته طيبة بالجيران".. هكذا وصف أهلي عزبة خضر بمركز الرحمانية في البحيرة جارهم النقاش، المتهم بقتل زوجته وأطفاله الثلاثة، وعلق رقبته في حبل وشنق نفسه.

"عصام" أحد جيران المتهم قال: "من لحظة قدومه من كفر الشيخ للسكن بالقرية، ما شفناش منه حاجة وحشة، ولا سمعنا عنه إلا كل خير، كان طيب ودايمًا في حالة، واحتكاكه بالأهالي محدود".

أما محمود فقال: "مسعد كان عامل بسيط في المعمار زي أغلب أهالي القرية اللي بيشتغلوا إما في الزراعة أو عمال بالأجرة، وسمعنا إن كان عنده أزمات مالية، بس مفيش حاجة تخلي حد يقتل عياله إلا إذا مكانش واعي للي بيعمله".

التقط "جمال" أحد أهالي القرية طرف الحديث، واستكمل قائلا:" أمه هي أول واحدة دخلت البيت واكتشفت موتهم، واحنا من وقت الحادثة مش مصدقين ولا مستوعبين اللي حصل، ما هو مفيش حد يجيله قلب يقتل مراته وبناته اللي أكبرهم عندها ٨ سنين، وأصغرهم لسه رضيعة، عمر ما قريتنا حصل فيها حاجة من الكلام ده".

كان أهالي عزبة عثروا على جثث أسرة كاملة هم: "مسعود.ع.غ" 45 سنة عامل، وزوجته " عواطف.ع.ر" 30 سنة، وبناته "نورا" 8 سنوات، "ندا" 5 سنوات و"أمل" سنة ونصف.

وانتقل فريق من النيابة العامة بمركز الرحمانية لمعاينة مكان الواقعة، مع طلب تقرير الطب الشرعي، لبيان أسباب وملابسات الوفاة.

فرضت الأجهزة الأمنية بمحافظة البحيرة، طوقًا أمنيًا مشددًا حول منزل نقاش، عثر عليه مشنوقًا وبجواره جثامين زوجته وبناته الثلاثة، في حادثة شهدتها عزبة علي خضر بمركز الرحمانية.