بالصور.. طلاب الإسماعيلية يؤدون الامتحانات وسط القمامة والحيوانات الضالة

الإسماعيلية - إنجي هيبة:

يؤدي الآلاف من طلاب المراحل التعليمية المختلفة بمدارس الإسماعيلية، امتحانات نهاية الفصل الدراسي الأول، وسط القمامة وانتشار الحيوانات الضالة التي تحيط بالمدارس.

ورصد "مصراوي" بالصور انتشار القمامة بمحيط مدرسة خالد ابن الوليد الرسمية للغات بالحرفي.

وتقول مروة زكي، والدة أحد الطلاب: "تعبنا من انتشار القمامة والحشرات والباعوض والكلاب والقطط الضالة والروائح الكريهة بمحيط المدرسة، وقت دخول أولادنا أو خروجهم لازم يقفوا وسط كل القرف ده، وده طبعا بيعرضهم للإصابة بالأمراض، وبقول لأي مسئول نايم في مكتبه ومش هاين عليه يتحرك، ارحم ولادنا، واعتبرهم ولادك".

يقول محمد علي، من أهالي منطقة الحرفي: "المنطقة دي طول عمرها مهمشة، وما فيش اهتمام بيها، ياريت المسؤولين يتحركوا ويشتغلوا في الإسماعيلية كلها ولا هو الاهتمام بس بوش التورتة في الدايري علشان زيارة المسئولين، إحنا محتاجين حل جذري ومعاقبة أي شخص يرمي ورقة في الشارع، ما ينفعش نعيش وسط الأوبئة بالشكل ده".