السيسي: تأجيل زيادة الكهرباء للمرة الثالثة مراعاة لمحدودي الدخل

كتب- محمد نصار:

قال الرئيس عبدالفتاح السيسي إن الأزمة العالمية الحالية أدت إلى ارتفاعات كبيرة في أسعار الوقود والطاقة.

وأضاف السيسي، خلال افتتاح مشروعات الإنتاج الحيواني والألبان بالسادات: طبقا للي حصل في العالم بنتكلم على برميل البترول بقى سعره 120 دولار طيب لو بقى 150 دولار؟، بكلمكم علشان أبين ليكم كل حاجة، إحنا حريصين على أسعار الوقود والطاقة.

وأوضح الرئيس، مخاطبا الدكتور مصطفى مدبولي، رئيس مجلس الوزراء: أخدتم قرار متزودوش الكهرباء، ودي تالت مرة نأجل البرنامج علشان ميبقاش حمل على الناس مع الوضع في الاعتبار إن في 17 مليون مشترك يعني 17 مليون شقة بتدفع أقل من 50% من تمن الطاقة، ومش بقول إن الدولة بتمن على شعبها لكن بنحاول نقلل فاتورة الأعباء على الناس ما أمكن.

وتابع الرئيس عبدالفتاح السيسي: لتالت مرة نأجله، المرة دي نتيجة الظروف اللي إحنا فيها مع الوضع في الاعتبار إن تكلفة الكهرباء زادت، بقول للدولة إن دي أقصى حاجة ممكن نعملها علشان الأسعار متزدش ودي ظروف محدودي الدخل.